ગુજરાતમાં છેલ્લા ત્રણ દિવસથી તબાહી મચાવી રહેલા ચક્રવાતી તોફાન બિપરજોયે ભારે વિનાશ સર્જ્યો છે. દરમિયાન બે દિવસથી પડેલા ભારે વરસાદ અને વાવાઝોડાના કારણે ડીસા સહિતના વિસ્તારોમાં ભારે નુકસાન થયું છે. ધારાસભ્ય પ્રવીણ માળીએ મુલાકાત લીધી હતી અને તાત્કાલિક પગલાં લેવા વહીવટી તંત્ર દ્વારા કંટ્રોલરૂમ શરૂ કરવામાં આવ્યો હોવાથી લોકોને ઇમરજન્સી સેવાઓ મળે તે માટે સૂચના આપી હતી.
ચક્રવાત બિપરજોયે લોકોની મુશ્કેલીઓમાં વધારો કર્યો છે. છેલ્લા બે દિવસથી ગુજરાતના મોટાભાગના વિસ્તારોમાં ભારે પવન અને ભારે વરસાદને કારણે હજારો વૃક્ષો ધરાશાયી થયા છે. વીજ થાંભલા પડી જવાથી અનેક ગામોમાં અંધારપટ છવાઈ ગયો છે. આ સાથે અનેક મકાનોની છત અને શેડ ઉડી ગયા છે. આવી સ્થિતિમાં વાવાઝોડાને કારણે મોટું નુકસાન થયું છે. ત્યારે ડીસા તાલુકાના લોકોના પ્રશ્નો, મુશ્કેલીઓ અને ફરિયાદો સાંભળવા અને તેનો સત્વરે ઉકેલ લાવવા વહીવટી તંત્ર દ્વારા મામલતદાર કચેરીમાં કંટ્રોલરૂમ શરૂ કરવામાં આવ્યો છે.
ડીસાના ધારાસભ્ય પ્રવીણ માળીએ આજે કંટ્રોલ રૂમની મુલાકાત લઇ અધિકારીઓ અને કર્મચારીઓ સાથે ચર્ચા કરી હતી અને કુદરતી આફતોને પહોંચી વળવા અને લોકોને ઇમરજન્સી સેવાઓ મળી રહે અને કોઇપણ પ્રકારની મુશ્કેલીનો સામનો ન કરવો પડે તે માટે સૂચનાઓ આપી જાતે મોનીટરીંગ કરી રહ્યા છે. કંટ્રોલરૂમમાં મેસેજ મળતાં વીજ કંપનીની ટીમ, માર્ગ અને મકાન વિભાગની ટીમ, વન વિભાગની ટીમ અને આરોગ્યની ટીમ અસરગ્રસ્ત સ્થળોએ પહોંચીને લોકોને તાત્કાલિક સેવાઓ પૂરી પાડી રહી છે.
ડીસાના ધારાસભ્ય પ્રવીણ માળીએ આજે કંટ્રોલ રૂમની મુલાકાત લઇ અધિકારીઓ અને કર્મચારીઓ સાથે ચર્ચા કરી હતી અને કુદરતી આફતોને પહોંચી વળવા અને લોકોને ઇમરજન્સી સેવાઓ મળી રહે અને કોઇપણ પ્રકારની મુશ્કેલીનો સામનો ન કરવો પડે તે માટે સૂચનાઓ આપી જાતે મોનીટરીંગ કરી રહ્યા છે. કંટ્રોલરૂમમાં મેસેજ મળતાં વીજ કંપનીની ટીમ, માર્ગ અને મકાન વિભાગની ટીમ, વન વિભાગની ટીમ અને આરોગ્યની ટીમ અસરગ્રસ્ત સ્થળોએ પહોંચીને લોકોને તાત્કાલિક સેવાઓ પૂરી પાડી રહી છે.