ક્રાઈમ કોન્ફરન્સમાં ગુજરાત પોલીસે એક વર્ષમાં કરેલી કામગીરીની સમીક્ષા કરવામાં આવશે.
11 સપ્ટેમ્બરના રોજ ગાંધીનગરમાં મુખ્યમંત્રી ભૂપેન્દ્ર પટેલની અધ્યક્ષતામાં ક્રાઈમ કોન્ફરન્સનું આયોજન કરવામાં આવ્યું છે. સીએમ પટેલની અધ્યક્ષતામાં યોજાનાર આ કોન્ફરન્સમાં ગૃહ રાજ્યમંત્રી હર્ષ સંઘવી ખાસ ઉપસ્થિત રહેશે, સાથે પોલીસ અધિકારીઓ અને કર્મચારીઓ પણ ઉપસ્થિત રહેશે.
ક્રાઈમ કોન્ફરન્સમાં ગુજરાત પોલીસે એક વર્ષમાં કરેલી કામગીરીની સમીક્ષા કરવામાં આવશે. જેમાં પોલીસ દ્વારા ઉપયોગમાં લેવાતી આધુનિક ટેકનોલોજી અંગે ચર્ચા અને પ્રેઝન્ટેશન થશે.
છેલ્લા એક વર્ષમાં પોલીસ વિભાગની કામગીરીની સમીક્ષા કરવામાં આવશે. તેમજ સીઆઈડી ક્રાઈમ, એટીએસ વગેરે એકમો તેમની કામગીરી રજૂ કરશે. ખાસ વાત એ છે કે આ કોન્ફરન્સમાં રાજ્યના તમામ પોલીસ અધિકારીઓ, રેન્જ એજી, એસપી, ડીસીપી હાજર રહેશે.