શહેરના ઉધના વિસ્તારમાં યુવકે કરેલી આત્મહત્યાની ઘટનાથી લોકો વિચારવા મજબૂર થઈ ગયા હતા. રસ્તા પર ચાલતા એક યુવકે અચાનક સ્કૂલ બસની સામે આવીને આત્મહત્યા કરી લીધી હતી. જેને લઇ લોકો દોડી આવ્યા હતા. જો કે આ સમગ્ર ઘટના સીસીટીવીમાં કેદ થતાં પોલીસે હવે આ મામલે તપાસ શરૂ કરી છે.
સુરતમાં એક ચોંકાવનારી ઘટના સામે આવી છે. સુરતના ઉધના વિસ્તારમાં ભાટેલા પાસે આવેલી લક્ષ્મીનગર સોસાયટીના ગેટ પાસેથી એક સ્કૂલ બસ પસાર થઈ રહી હતી, ત્યારે રસ્તા પર ચાલતા એક યુવકે અચાનક બસની આગળ કૂદીને બસ નીચે પટકાઈ હતી. જેના કારણે તેનું ઘટનાસ્થળે જ દર્દનાક મોત નિપજ્યું હતું. આ ઘટનાથી સમગ્ર વિસ્તારમાં ચકચાર મચી ગઈ હતી.આ ઘટના અંગે સ્થાનિક લોકોએ સુરતની ઉધના પોલીસને જાણ કરતા પોલીસે તાત્કાલિક ઘટનાની તપાસ શરૂ કરી હતી.
નજીકમાં લગાવેલા સીસીટીવી ચેક કરતાં જાણવા મળ્યું કે આ યુવકે અચાનક બસની આગળ કૂદીને આત્મહત્યા કરી લીધી હતી. જેના કારણે લોકો થોડો સમય વિચારમાં પણ પડી ગયા હતા. બન્યું એવું કે આ યુવકે બસની આગળ કૂદીને આત્મહત્યા કરી લીધી.પોલીસે તપાસ શરૂ કરી તો આખી ઘટના નજીકમાં લાગેલા CCTVમાં કેદ થઈ ગઈ. જોકે પોલીસે આ મામલે પ્રથમ અકસ્માત મોતનો ગુનો નોંધી આ દિશામાં તપાસ શરૂ કરી છે કે મૃત્યુ પામનાર યુવક કોણ છે અને કયા કારણોસર તેણે આ પગલું ભર્યું છે.