સુરતના અઠવાલાઇનમાં કોર્ટ બિલ્ડીંગ સામે હત્યા કેસના આરોપીઓની જાહેરમાં હત્યા કર્યા બાદ બે અજાણ્યા મોપેડ સવારો કેબલ બ્રિજ પર ચઢીને પોલીસને ચકમો આપી નાસી છૂટ્યા હતા.
પોલીસ સુત્રો પાસેથી મળતી માહિતી મુજબ સુરતના સચિન પોલીસ સ્ટેશનમાં હત્યાના ગુનામાં પકડાયેલ આરોપી આજે બપોરે કોર્ટમાં હાજર થવા બુલેટ પર આવ્યો હતો, પરંતુ મોપેડ પર સવાર બે અજાણ્યા શખ્સો આવ્યા હતા. કોર્ટ બિલ્ડીંગ સામેના કેબલ બ્રિજ પાસે ચપ્પુ વડે માર માર્યો હતો અને કેબલ બ્રિજ પર ચઢીને નાસી છૂટ્યો હતો.ગંભીર રીતે ઘવાયેલા યુવકને 108 એમ્બ્યુલન્સ દ્વારા સારવાર માટે હોસ્પિટલ લઈ જવામાં આવ્યો હતો, પરંતુ ફરજ પરના તબીબે તેને મૃત જાહેર કર્યો હતો. હત્યાની ઘટના બાદ ઉમરા પોલીસે ઘટના સ્થળે પહોંચી તપાસ હાથ ધરી છે.