(GNS),15
ગુજરાતમાં હાર્ટ એટેકનું જોખમ વધી રહ્યું છે. ખાસ કરીને સુરત હાર્ટ એટેકનું કેન્દ્ર બન્યું છે. અહીં દરરોજ કોઈને કોઈ મૃત્યુ થઈ રહ્યું છે. નવાઈની વાત એ છે કે હાર્ટ એટેકથી મૃત્યુ પામેલા લોકો નાની ઉંમરના છે. સુરતમાં હાર્ટ એટેકના કારણે મોતની ઘટનાઓ યથાવત છે. સુરતમાં એક યુવકનું હાર્ટ એટેકથી મોત થયું છે. જન્મદિવસના બીજા દિવસે યુવાનનું મોત થતાં પરિવારમાં શોકની લાગણી ફરી વળી છે. કિરણ સોલંકી નામના 33 વર્ષના યુવકે હાર્ટ એટેકના કારણે જીવ ગુમાવ્યો છે. મૃતક કિરણ સોલંકી આવકવેરા વિભાગમાં ડ્રાઈવર તરીકે નોકરી કરતો હતો. આજે સવારે કામ પર હતા ત્યારે અચાનક છાતીમાં દુ:ખાવો ઉપડતા તેને સારવાર માટે સિવિલ હોસ્પિટલમાં લઈ જવામાં આવ્યો હતો. સારવાર મળે તે પહેલા યુવકે જીવ ગુમાવ્યો હતો. તમને જણાવી દઈએ કે ગઈકાલે ગુરુવારે કિરણનો 33મો જન્મદિવસ હતો.