(GNS),31
સુરતના સરથાણા જકાતનાકા ખાતે બે મહિલાઓ વચ્ચે ખુલ્લા હાથે મારામારી થઈ હતી. જેનો વીડિયો સોશિયલ મીડિયા પર વાયરલ થયો છે. મહિલાના પતિના અન્ય મહિલા સાથેના પ્રેમસંબંધને કારણે આ લડાઈ થઈ હોવાનું સામે આવ્યું છે. જાગૃતિબેનને દામાણી લેડી હોમગાર્ડ ઉષાબેનના પતિ સાથે પ્રેમસંબંધ હતો. પાડોશમાં રહેતી બંને મહિલાઓને એકમેક સાથે ઝઘડો થયો હતો. આ મામલે પોલીસે જાગૃતિ નામની મહિલાની ફરિયાદ લઈને તપાસ હાથ ધરી છે. ઉષાબેન નામની મહિલા દમણ હોમગાર્ડમાં નોકરી કરતી હતી.
પ્રાપ્ત માહિતી અનુસાર, હોમગાર્ડમાં નોકરી કરતી ઉષા નામની મહિલાના પતિને બાજુમાં રહેતી જાગૃતિ સાથે પ્રેમ સંબંધ હતો. આ ઘટનાની જાણ થતાં ઉષા અને જાગૃતિ વચ્ચે જાહેરમાં મારામારી થઈ હતી. જે વીડિયો સામે આવ્યો છે તેમાં મહિલાઓ પણ અભદ્ર ભાષા બોલી રહી છે. આ ઘટનાનો વીડિયો વાયરલ થયા બાદ પોલીસે કાર્યવાહી હાથ ધરી છે. પોલીસ તપાસમાં હુમલા પાછળનું કારણ બહાર આવ્યું છે. ઉષા નામની મહિલાના પતિને જાગૃતિ નામની મહિલા સાથે પ્રેમસંબંધ હતો. આ અંગે મહિલા હોમગાર્ડ ઉષાને જાણ થઈ હતી. તે પછી, ઉષા પાડોશમાં રહેતી જાગૃતિ નામની મહિલાના ઘરે ગઈ અને તેની સાથે મારપીટ કરી. ઉષાએ જાગૃતિ નામની મહિલાને માર માર્યો અને તેને હોસ્પિટલ લઈ જવી પડી. પોલીસે જાગૃતિની ફરિયાદના આધારે ઉષા વિરુદ્ધ કાર્યવાહી શરૂ કરી છે.