સુરત શહેરની આ સિદ્ધિ બાદ મ્યુનિસિપલ કમિશનર શાલિની અગ્રવાલે જણાવ્યું હતું કે સુરત શહેર માટે આ એક મોટી ઉપલબ્ધિ છે. સુરત શહેરને સમગ્ર ભારતમાં નેશનલ સ્માર્ટ સિટીનો એવોર્ડ મળ્યો છે.
સુરતના લોકો માટે એક ગૌરવના સમાચાર સામે આવ્યા છે. દેશના સ્માર્ટ સિટીમાં ઈન્દોર પછી સુરતને સ્માર્ટ સિટી તરીકે દેશમાં બીજું સ્થાન મળ્યું છે. જે બદલ સુરત મહાનગરપાલિકાએ ગૌરવની લાગણી વ્યક્ત કરી છે. સુરતને બીજા સ્થાને લાવવામાં સુરતીઓએ મહત્વની ભૂમિકા ભજવી છે.
સુરત શહેરની આ સિદ્ધિ બાદ મ્યુનિસિપલ કમિશનર શાલિની અગ્રવાલે જણાવ્યું હતું કે સુરત શહેર માટે આ એક મોટી ઉપલબ્ધિ છે. સુરત શહેરને સમગ્ર ભારતમાં નેશનલ સ્માર્ટ સિટીનો એવોર્ડ મળ્યો છે. જે બદલ હું સુરતની જનતાને સુરત મહાનગરપાલિકા વતી અભિનંદન પાઠવું છું. છેલ્લા એક વર્ષમાં સુરત મહાનગર પાલિકાના દરેક પ્રોજેક્ટમાં ઝુંબેશ અંતર્ગત અનેક પ્રયાસો જોવા મળી રહ્યા છે. નગરપાલિકા દ્વારા લોકઉપયોગી, વિકાસલક્ષી અને નવા પ્રોજેક્ટ લક્ષી કામગીરી કરવામાં આવી છે. સ્માર્ટ સિટી હેઠળના બાકી રહેલા પ્રોજેક્ટ પણ પાલિકા દ્વારા નજીકના ભવિષ્યમાં પૂર્ણ કરવામાં આવશે.
સુરતને આપવામાં આવેલ એવોર્ડઃ
ICCC: બિઝનેસ મોડલ કેટેગરીમાં સુરત દ્વારા ICCC હેઠળ વિશેષ પ્રવૃત્તિઓ માટે પ્રોજેક્ટ એવોર્ડ
નવીન વિચાર: કેનાલ કોરિડોરને સ્વનિર્ભર બનાવવાના નાણાકીય રીતે ટકાઉ મોડલની શ્રેણીમાં એવોર્ડ
કોવિડ ઇનોવેશન: કોવિડ-19 રોગચાળા દરમિયાન સુરત નગરપાલિકા દ્વારા કરવામાં આવેલ વિવિધ હકારાત્મક પહેલ અને ઉમદા કાર્યો માટે પુરસ્કારો