નવી દિલ્હી: ઇક્વિટી બજારોમાં નબળા વલણ વચ્ચે ગયા સપ્તાહે ટોચની 10 સૌથી મૂલ્યવાન સ્થાનિક કંપનીઓમાંથી છની માર્કેટ મૂડીમાં સંયુક્ત રીતે રૂ. 1,02,280.51 કરોડનો ઘટાડો થયો હતો. આ સમયગાળા દરમિયાન રિલાયન્સ ઈન્ડસ્ટ્રીઝને સૌથી વધુ નુકસાન થયું હતું. અગાઉના સપ્તાહમાં BSE સેન્સેક્સ 405.21 પોઈન્ટ અથવા 0.63 ટકા ઘટ્યો હતો. ટોચની 10 કંપનીઓમાં, રિલાયન્સ ઇન્ડસ્ટ્રીઝ, ICICI બેન્ક, હિન્દુસ્તાન યુનિલિવર, ITC, ઇન્ફોસિસ અને SBIએ તેમના બજાર મૂલ્યાંકનમાં ઘટાડાનો સામનો કરવો પડ્યો હતો.
બીજી તરફ, ટાટા કન્સલ્ટન્સી સર્વિસિસ (TCS), HDFC બેન્ક, HDFC અને ભારતી એરટેલના મૂલ્યાંકનમાં વધારો થયો હતો. રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 40,695.15 કરોડ ઘટીને રૂ. 17,01,720.32 કરોડ થયું હતું. હિન્દુસ્તાન યુનિલિવરનું માર્કેટ કેપિટલાઇઝેશન રૂ. 17,222.5 કરોડ ઘટીને રૂ. 6,20,797.26 કરોડ થયું હતું. SBIનું માર્કેટ કેપિટલાઇઝેશન રૂ. 14,814.86 કરોડ ઘટીને રૂ. 4,95,048.22 કરોડ થયું હતું. બીજી તરફ HDFC બેન્કે રૂ. 23,525.6 કરોડ ઉમેર્યા હતા, જેનું માર્કેટ કેપિટલાઇઝેશન રૂ. 9,18,984.17 કરોડ થયું હતું.