અમદાવાદઃ વૈશ્વિક બજારોમાં સાવચેતી વચ્ચે વિદેશી રોકાણકારોની નવેસરથી ખરીદીને કારણે આજે કારોબારના અંતે સેન્સેક્સ 63384 અને નિફ્ટી 18826ની નવી વિક્રમી સપાટીએ બંધ રહ્યો હતો.
ફેડરલ રિઝર્વે વ્યાજદરમાં વધારાના સંકેત આપ્યા બાદ વૈશ્વિક બજારોમાં સાવચેતીભર્યા વલણ વચ્ચે વિદેશી રોકાણકારો દ્વારા નવી ખરીદીને કારણે આજે ભારતીય ઈક્વિટીમાં રિકવરી ચાલુ રહી હતી. વિદેશી રોકાણકારોએ આજે રૂ. 795 કરોડ અને સ્થાનિક સંસ્થાઓ રૂ. 681 કરોડની ખરીદી કરી હતી.
આજે કારોબારના અંતે સેન્સેક્સ 466.95 પોઈન્ટ વધીને 63384.58 અને નિફ્ટી 137.90 પોઈન્ટના ઉછાળા સાથે 18826ની નવી વિક્રમી સપાટીએ બંધ રહ્યો હતો. આજે રોકાણકારોની સંપત્તિ (BSE માર્કેટકેપ) રૂ. 2.07 લાખ કરોડ વધીને રૂ. 292.78 લાખ કરોડની ટોચે પહોંચી છે.