ભારતીય શેરબજારમાં આજે નજીવો ઘટાડો જોવા મળ્યો છે. સવારે બજારમાં સામાન્ય ગતિ જોવા મળી હતી. જે બજાર બંધ થતાં સુધીમાં લાલ નિશાન પર પહોંચી ગયું હતું. જેમાં આજે સેન્સેક્સ 78.22 પોઈન્ટના ઘટાડા સાથે 65,945.47 પોઈન્ટની સપાટીએ બંધ રહ્યો હતો. આજે બંધ થવાના સમયે નિફ્ટી પણ લાલ નિશાનને સ્પર્શી 19,664.70 પર બંધ થયો હતો. જેમાં 9.85 પોઈન્ટનો ઘટાડો જોવા મળ્યો છે.
એફએમસીજી, મેટલ અને ઓટો ઈન્ડેક્સ આજે બજારમાં તેજી સાથે બંધ થયા છે. મિડકેપ સૂચકાંકો દબાણ હેઠળ હતા જ્યારે સ્મોલકેપ સૂચકાંકો વધારા સાથે બંધ થયા હતા. રિયલ્ટી અને એનર્જી શેરોમાં હળવી ખરીદી જોવા મળી હતી. તે જ સમયે, આઈટી, બેન્કિંગ અને ફાર્મા શેરોમાં દબાણ જોવામાં આવ્યું છે.
આ સિવાય બેન્કિંગ તેમજ IT, PSU બેન્ક, ફાર્મા, મીડિયા અને ખાનગી બેન્કો અને કન્ઝ્યુમર ડ્યુરેબલ્સ સેક્ટરના શેર સંબંધિત સૂચકાંકો ઘટ્યા હતા. આજે મિડકેપ સૂચકાંકોમાં ઘટાડો જોવા મળ્યો છે, જ્યારે સ્મોલકેપ શેરોમાં શાનદાર ઉછાળો જોવા મળ્યો છે. સેન્સેક્સના 30 શેરોમાંથી 15 શેરો ઉછાળા સાથે અને 15 ઘટાડાની સાથે બંધ થયા હતા. જ્યારે નિફ્ટીના 50 શૅરમાંથી 25 શૅર ઉછાળા સાથે અને 25 શૅર ઘટાડાની સાથે બંધ થયા હતા.
ગયા દિવસનો ટ્રેન્ડ કેવો રહ્યો?
છેલ્લા ટ્રેડિંગ સેશનની વાત કરીએ તો માર્કેટમાં ઘણો ઉતાર-ચઢાવ જોવા મળ્યો હતો. ટ્રેડિંગના અંતે બજાર સકારાત્મક વલણ સાથે સપાટ બંધ રહ્યું હતું. BSE સેન્સેક્સ 14.5 પોઈન્ટ વધીને 66024 પર અને નિફ્ટી 50 ઈન્ડેક્સ 0.2 પોઈન્ટ વધીને 19674.5 પર બંધ થયા છે. જ્યારે નિફ્ટી મિડકેપ 100 અને સ્મોલકેપ 100 ઇન્ડેક્સ અનુક્રમે 0.66 ટકા અને 0.04 ટકા વધ્યા હતા.