સ્માર્ટફોન અને સ્માર્ટ ઘડિયાળો પછી હવે સ્માર્ટ રિંગ્સનો યુગ આવી રહ્યો છે. ટેક જાયન્ટ સેમસંગ પણ તેની સ્માર્ટ રીંગ લોન્ચ કરવા માટે તૈયાર છે. સેમસંગ દ્વારા કરવામાં આવેલી સત્તાવાર જાહેરાત અનુસાર, આ વખતે બાર્સેલોનામાં યોજાનારી મોબાઈલ વર્લ્ડ કોંગ્રેસ દરમિયાન તેઓ તેમના આગામી ગેલેક્સી સ્માર્ટ રિંગ ડિવાઇસની ડિઝાઇનની જાહેરાત કરશે.
આ સ્માર્ટ રિંગમાં યુઝર ફ્રેન્ડલી ફીચર્સ હશે તેમજ હેલ્થ ટ્રેકિંગ પર ફોકસ ફીચર્સ હશે. સેમસંગે ગેલેક્સી S24 ફ્લેગશિપ સિરીઝના લોન્ચ ઈવેન્ટમાં તેની ગેલેક્સી રીંગ વિશે સૌ પ્રથમ માહિતી જાહેર કરી હતી.
રીંગ AI ફીચર્સથી સજ્જ હશે
બ્લૂમબર્ગના રિપોર્ટ અનુસાર, સેમસંગ તેની આવનારી સ્માર્ટ રિંગમાં AI ફીચર્સ આપવા જઈ રહી છે, જેની મદદથી યુઝરના સ્વાસ્થ્ય પર નજર રાખવામાં આવશે. જો કે હજુ સુધી સેમસંગની સ્માર્ટ રીંગ વિશે કોઈ માહિતી સામે આવી નથી. કંપનીના જણાવ્યા અનુસાર, ‘સેમસંગ હેલ્થ ફોર્મ ફેક્ટરમાં તેની સ્માર્ટ રિંગ લોન્ચ કરી રહ્યું છે. આ રીંગ તમને રોજિંદા જીવનમાં તમારા સ્વાસ્થ્યની સંભાળ રાખવામાં મદદ કરશે. સેમસંગ તેના ડિજિટલ વેલનેસ પ્લેટફોર્મ દ્વારા તમને સ્વસ્થ અને સ્માર્ટ જીવન જીવવામાં મદદ કરશે.
આ સાઈઝમાં રીંગ મળશે
Samsung ની Galaxy smartwatches સાથે હવે બજારમાં, Samsung ની Galaxy Ring પણ ઘડિયાળ સાથે કનેક્ટ થઈ શકે છે અને તમારા સ્વાસ્થ્યને ટ્રૅક કરી શકે છે. જેના કારણે આ સેમસંગ રિંગ પહેરી શકાય તેવું ઉપકરણ બની જશે, જે તમારી સ્વાસ્થ્ય સંબંધિત સમસ્યાઓને તરત જ શોધી કાઢશે. આ સેમસંગ ગેલેક્સી રીંગ ત્રણ રંગોમાં ઉપલબ્ધ હશે: પ્લેટિનમ સિલ્વર, સિરામિક બ્લેક અને ગોલ્ડ. ધ વર્જના રિપોર્ટ અનુસાર, આ રિંગ 5 થી 13 સાઈઝમાં ઉપલબ્ધ હશે. બેન્ડની અંદરના ભાગને S થી XL સુધી ચિહ્નિત કરવામાં આવશે. આ રિંગમાં નાની બેટરી પણ મળશે. રિંગની સૌથી નાની સાઇઝમાં 14.5 mAhની બેટરી હશે અને સૌથી મોટી સાઇઝમાં 21.5 mAh સુધીની બેટરી હશે.
એન્ડ્રોઈડ અને આઈઓએસથી કનેક્ટ થઈ શકે છે
હાલમાં સેમસંગ ગેલેક્સી સ્માર્ટ રીંગની ચોક્કસ કિંમત જાહેર કરવામાં આવી નથી. પરંતુ ચર્ચા મુજબ આ રીંગ 2024ના અંત સુધીમાં લોન્ચ થવા જઈ રહી છે. તમે આ રિંગને સેમસંગ ગેલેક્સી સ્માર્ટફોન સાથે પણ જોડી શકો છો. ભવિષ્યમાં, આ રિંગ અન્ય એન્ડ્રોઇડ અને iOS સ્માર્ટફોન સાથે પણ કનેક્ટ થઈ શકશે.
અન્ય ઉત્પાદનો પણ AIથી સજ્જ હશે
મોબાઈલ કોંગ્રેસમાં સેમસંગ AI પર ખાસ ફોકસ છે. સેમસંગે પહેલેથી જ જાહેરાત કરી છે તેમ, Galaxy S23 શ્રેણી, Tab S9 શ્રેણી, Galaxy Z Fold 5, Galaxy Z Flip 5 અને Galaxy S23 FE શ્રેણીના ફોન પણ અદ્યતન AI સુવિધાઓથી સજ્જ હશે.