મુંબઈઃ ભારતમાં ભલે ક્રિપ્ટોકરન્સીનો વિકાસ થયો ન હોય પરંતુ દેશમાં ક્રિપ્ટોકરન્સી પ્રત્યે મહિલાઓનું આકર્ષણ ખૂબ જ જોવા મળે છે. એક રિસર્ચ ફર્મ દ્વારા કરવામાં આવેલા સર્વેમાં દેશમાં દર 10માંથી એક મહિલા પાસે ક્રિપ્ટોકરન્સી જોવા મળી છે.
ક્રિપ્ટોકરન્સીની મહિલાઓની માલિકીના સંદર્ભમાં ભારત વૈશ્વિક સ્તરે ત્રીજા ક્રમે છે.
ભારતની કુલ વસ્તીમાં મહિલાઓની સંખ્યા 68.50 કરોડ છે, જેમાંથી 6.30 કરોડ મહિલાઓ પાસે ક્રિપ્ટો કરન્સી છે. આમ કહી શકાય કે દેશની 9.20 ટકા મહિલાઓ ક્રિપ્ટોમાં રસ ધરાવે છે.
વિયેતનામમાં મહિલાઓની કુલ સંખ્યામાંથી 12 મિલિયન મહિલાઓ પાસે ક્રિપ્ટો છે. જે મહિલાઓની કુલ વસ્તીના 24 ટકા જેટલી છે. ફિલિપાઈન્સ 9.60 ટકા સાથે બીજા ક્રમે છે. ક્રિપ્ટોકરન્સી ફિલિપાઈન્સમાં 5.5 મિલિયન મહિલાઓની માલિકીની છે, જે તેની મહિલાઓની વસ્તીના 9.60 ટકા છે.
દરમિયાન ક્રિપ્ટોકરન્સી માર્કેટમાં વોલેટિલિટી મજબૂત જોવા મળી રહી છે. મુખ્ય ક્રિપ્ટો બિટકોઈન લાંબા સમય સુધી $29,000 ના સ્તરે રહ્યો. બિટકોઈનની સાથે અન્ય ક્રિપ્ટોના ભાવ પણ સ્થિર જણાય છે.
છેલ્લા 24 કલાકમાં, બિટકોઈનમાં $29,000ની નીચી અને $29,797ની ઊંચી સપાટી જોવા મળી હતી. ઇથેરિયમ $1820 પર ક્વોટ થયું હતું જ્યારે BNB $230 આસપાસ ક્વોટ થયું હતું.
ક્રિપ્ટો કરન્સીનું કુલ માર્કેટ કેપ $1.15 ટ્રિલિયન હતું.