બીટરૂટ આપણા સ્વાસ્થ્ય માટે ખૂબ જ ફાયદાકારક છે. તેનું જ્યુસના રૂપમાં પણ સેવન કરી શકાય છે. આજે અમે તમને બીટરૂટના જ્યુસનું સેવન કરવાથી થતા સ્વાસ્થ્ય લાભો વિશે જાણકારી આપવાના છીએ.
બીટરૂટમાં આયર્ન, સોડિયમ, સેલેનિયમ, મેગ્નેશિયમ વગેરે જેવા પોષક તત્વો હોય છે, જે ઘણી બીમારીઓ સામે લડવામાં મદદ કરે છે. આ જ્યુસ બ્લડ પ્રેશરને નિયંત્રિત કરવામાં મદદરૂપ છે. તેમાં જોવા મળતું નાઈટ્રેટ શરીરમાં નાઈટ્રિક ઓક્સાઈડના ઉત્પાદનમાં મદદ કરે છે. નાઈટ્રિક ઓક્સાઈડ શરીરની રક્તવાહિનીઓને આરામ આપવામાં મહત્વની ભૂમિકા ભજવે છે.
તેનું નિયમિત સેવન કરવાથી તમે તમારું વજન પણ ઘટાડી શકો છો. તેમાં ખૂબ જ ઓછી ચરબી અને કેલરી હોય છે. સવારે તેને પીવાથી આખો દિવસ શરીરને એનર્જી મળે છે. આ જ્યુસ લીવર માટે પણ ફાયદાકારક છે. આને પીવાથી હૃદય સંબંધિત બીમારીઓનું જોખમ ઓછું થાય છે.