રંગોનો તહેવાર હોળી રવિવારે અને સોમવારે દેશભરમાં ધામધૂમથી ઉજવવામાં આવશે. આ તહેવારની ઉજવણી વખતે રંગો લગાવવાની પરંપરા ઘણી જૂની છે. લોકો આ દરમિયાન કેમિકલથી બનેલા રંગોનો પણ ઉપયોગ કરે છે. જેના કારણે લોકોને ત્વચા સંબંધિત અનેક પ્રકારની સમસ્યાઓનો સામનો કરવો પડે છે.
આજે અમે તમને એક એવો ઉપાય જણાવવા જઈ રહ્યા છીએ જેને અપનાવવામાં આવે તો રંગો પર વધારે અસર નહીં થાય. રંગો સાથે હોળી રમતા પહેલા તમારે તમારી ત્વચા પર તેલ લગાવવું જોઈએ. હોળીના હાનિકારક રંગો ત્વચામાં ઊંડે સુધી પ્રવેશ કરે છે અને ફોલ્લીઓ અને ત્વચા સંબંધિત અન્ય સમસ્યાઓનું કારણ બને છે. તેનાથી બચવા માટે તમારી ત્વચા પર તેલ લગાવો.
આમ કરવાથી તેલ ત્વચા અને રંગો વચ્ચે અવરોધ બનાવે છે. જેના કારણે હોળીના રંગો ત્વચામાં પ્રવેશી શકતા નથી. આ ઉપાય કરવા માટે તમારે નારિયેળ અથવા બદામના તેલનો ઉપયોગ કરવો જોઈએ.