શિકાગોઃ 104 વર્ષની એક મહિલાએ પ્લેનમાંથી કૂદીને સ્કાયડાઈવિંગમાં સૌથી વૃદ્ધ મહિલા હોવાનો વર્લ્ડ રેકોર્ડ બનાવ્યો છે.
આજકાલ યુવાનોમાં સ્કાઈડાઈવિંગનો ટ્રેન્ડ વધી રહ્યો છે અને તેનું એક કારણ સેલિબ્રિટીઝના સ્કાઈડાઈવિંગના વીડિયો સોશિયલ મીડિયા પર શેર કરવાનું પણ છે, પરંતુ હાલમાં જ એક 104 વર્ષની મહિલાએ પ્લેનમાંથી છલાંગ લગાવી દીધી હતી. રસપ્રદ વાત એ છે કે, ડોરોથી હોફનરનો આ પહેલો સ્કાઈડાઈવિંગનો અનુભવ નહોતો પરંતુ તેણે 100 વર્ષની ઉંમરે પોતાનું પહેલું સ્કાઈડાઈવિંગ કર્યું હતું.
વિદેશી મીડિયાના અહેવાલો અનુસાર, મહિલાનું નામ ડોરોથી હોફનર છે, જે અમેરિકન શહેર શિકાગોની રહેવાસી છે અને શિકાગોમાં સ્કાયડાઈવિંગ પણ કરી ચૂકી છે. મહિલાએ રવિવારે આ વર્લ્ડ રેકોર્ડ બનાવ્યો છે, જેનાથી તે ખૂબ જ ખુશ છે.
ડોરોથી હોફનરનો પરિવાર અને મિત્રો પણ તેના નવા રેકોર્ડની ઉજવણી કરવા સ્કાયડાઈવ શિકાગો એરપોર્ટ પર એકઠા થયા હતા.
પ્રશિક્ષકે મહિલાની પ્રશંસા કરતા કહ્યું કે ડોરોથી જાણતી હતી કે ક્યારે શું કરવું અને કેવી રીતે કરવું તેથી તેણે મારું કામ ખૂબ જ સરળ બનાવી દીધું.
યાદ રહે કે આ પહેલા સુદાનની એક મહિલાને ગયા વર્ષે 103 વર્ષની ઉંમરમાં આ સન્માન મળ્યું હતું.
The post 104 વર્ષની મહિલાએ સ્કાયડાઈવિંગ કરીને બનાવ્યો વર્લ્ડ રેકોર્ડ, News4 Gujarati