બેલગ્રેડઃ સર્બિયામાં ફાયરિંગની વધુ એક ઘટના સામે આવી છે. રાજધાની બેલગ્રેડથી લગભગ 60 કિલોમીટર (37 માઇલ) દક્ષિણમાં સર્બિયન શહેર નજીક ગોળીબારમાં ગુરુવારે મોડી રાત્રે આઠ લોકો માર્યા ગયા અને 13 અન્ય ઘાયલ થયા. ગોળીબાર મ્લાડેનોવાક નજીક થયો હતો જ્યારે હુમલાખોર ચાલતા વાહનમાંથી ઓટોમેટિક હથિયાર વડે ગોળીબાર કરીને ભાગી ગયો હતો, RTS ટેલિવિઝનના અહેવાલમાં જણાવાયું હતું. પોલીસ હુમલાખોરને શોધી રહી છે.
સર્બિયામાં ફાયરિંગની ઘટનાઓ અટકવાનું નામ નથી લઈ રહી
તમને જણાવી દઈએ કે સર્બિયામાં ફાયરિંગની ઘટનાઓ અટકવાનું નામ નથી લઈ રહી. થોડા દિવસો પહેલા સર્બિયાની રાજધાની બેલગ્રેડમાં ફાયરિંગની ઘટના સામે આવી હતી. બીબીસીના સમાચાર અનુસાર, 14 વર્ષના વિદ્યાર્થીએ શાળામાં વિદ્યાર્થીઓ અને સુરક્ષાકર્મીઓ પર ગોળીબાર કર્યો હતો. સ્થાનિક સમાચાર એજન્સી તનજુગના અહેવાલને ટાંકીને બીબીસીએ જણાવ્યું કે ફાયરિંગમાં ઓછામાં ઓછા 9 લોકોના મોત થયા છે. મૃતકોમાં 8 બાળકોનો સમાવેશ થાય છે. પોલીસે જણાવ્યું કે સાતમા ધોરણના વિદ્યાર્થીની ધરપકડ કરવામાં આવી છે. આ વર્ષની શરૂઆતમાં, એક ગ્રામીણે મ્લાડેનોવાકમાં 13 સંબંધીઓ અને પડોશીઓને ગોળી મારી દીધી હતી.