ભાભર મામલતદાર કચેરીનો કોન્ટ્રાક્ટ આધારિત કોમ્પ્યુટર ઓપરેટર 3500 રૂપિયાની લાંચ લેતા ઝડપાતા ભ્રષ્ટાચારી કર્મચારીઓમાં ફફડાટ ફેલાયો છે. લાંચ લેનાર વ્યક્તિ દ્વારા અરજદારના વારસાઈ અંગેની નોંધ તૈયાર કરવા માટે લાંચની માંગણી કરવામાં આવી હતી. આ અંગે ફરિયાદ નોંધાયા બાદ પાટણ એસીબીની ટીમે છટકું ગોઠવી ભ્રષ્ટ કોમ્પ્યુટર ઓપરેટરને રંગે હાથે પકડી પાડ્યો હતો.
પાટણ એસીબીની ટીમે ભાભર મામલતદાર કચેરીમાં કોમ્પ્યુટર ઓપરેટરને રૂ.3500ની લાંચ લેતા રંગેહાથ ઝડપ્યા હતા. જેમાં ફરિયાદીની માસીના પુત્રની જમીનમાં વારસાઈ અંગેની કાચી નોંધ બનાવવા માટે અને કોન્ટ્રાક્ટ કોમ્પ્યુટર ઓપરેટર પરબત રાઠોડ દ્વારા તે નોંધ તૈયાર કરવા બદલ ફરિયાદી પાસેથી ચાર હજાર રૂપિયા લેવામાં આવ્યા હતા. ત્યારબાદ પાકતી નોટો બનાવવા માટે સાડા ત્રણ હજાર રૂપિયા વધુ માંગવામાં આવ્યા હતા. જે લાંચની રકમ ફરિયાદીએ આપવા માંગતા ન હોવાથી ફરિયાદીએ પાટણ એસીબીનો સંપર્ક કર્યો હતો અને ફરિયાદીની ફરિયાદના આધારે પાટણ એસીબીએ રૂા.ની લાંચની માંગણી કરી હતી, લાંચ લેતા એસીબીએ રંગે હાથે રંગેહાથ ઝડપી પાડ્યો હતો.