(જીએનએસ) તા. 9
ગાંધીનગર,
તાલીમ કાર્યક્રમના બીજા તબક્કામાં ગાંધીનગર અને રાજકોટમાં ભારતના ચૂંટણી પંચના રાષ્ટ્રીય કક્ષાના માસ્ટર ટ્રેનર્સ દ્વારા રાજ્યના 88 મદદનીશ ચૂંટણી અધિકારીઓને તાલીમ આપવામાં આવી હતી.
રાજ્યકક્ષાના તાલીમ કાર્યક્રમના સમાપન પહેલા, ભારતના ચૂંટણી પંચ દ્વારા તમામ મદદનીશ ચૂંટણી અધિકારીઓનું ઓનલાઈન મૂલ્યાંકન કરવામાં આવ્યું હતું.
લોકસભા સામાન્ય ચૂંટણી-2024 ની તૈયારીઓના ભાગરૂપે, ભારતના ચૂંટણી પંચ અને મુખ્ય ચૂંટણી અધિકારી શ્રીની કચેરી દ્વારા ગાંધીનગર અને રાજકોટ ખાતે મદદનીશ ચૂંટણી અધિકારીઓ માટે પાંચ દિવસીય રાજ્યકક્ષાના તાલીમ કાર્યક્રમનું આયોજન કરવામાં આવ્યું હતું. 9 જાન્યુઆરીના રોજ પૂર્ણ થયેલા બીજા તબક્કાના તાલીમ કાર્યક્રમમાં, 88 મદદનીશ ચૂંટણી અધિકારીઓને ભારતના ચૂંટણી પંચ, ઉત્તર પ્રદેશ, મધ્યપ્રદેશ અને કર્ણાટકના રાષ્ટ્રીય સ્તરના માસ્ટર ટ્રેનર્સ દ્વારા ચૂંટણી પ્રક્રિયા સંબંધિત તાલીમ આપવામાં આવી હતી.