ડીસામાંથી આજે વધુ બે બાઇક ચોર ઝડપાયા છે. ડીસામાંથી બાઇકની ચોરી કરનાર બે યુવકો સામે શહેર દક્ષિણ પોલીસે ઝડપી કાર્યવાહી હાથ ધરી છે.
ડીસા સહિત સમગ્ર બનાસકાંઠા જિલ્લામાં તાજેતરના ભૂતકાળમાં વાહન ચોરીના ગુનાઓમાં નોંધપાત્ર વધારો થયો છે. પોલીસ પણ સતર્ક બની છે અને વાહન ચોરીના બનાવો ઉકેલવા માટે અથાક પ્રયાસો શરૂ કર્યા છે. જે અંતર્ગત આજે ડીસા સીટી દક્ષિણ પોલીસ રીસાલા બજાર ચાર રસ્તા પાસે પેટ્રોલીંગ કરી રહી હતી. ત્યારે જ ત્યાંથી નંબર પ્લેટ વગરનું એક શંકાસ્પદ બાઇક પસાર થઇ રહ્યું હતું, જેને અટકાવી તલાશી લેતા તે ચોરીનું બહાર આવ્યું હતું. જેથી પોલીસે બંને બાઇક સવારોને કસ્ટડીમાં લીધા હતા.
પ્રાથમિક તપાસમાં બે બાઇક સવારો ડીસાના કોમ્પટ ગામના મહેન્દ્રસિંહ સોલંકી અને માલગઢ મોતી ધાણી ગામના વિપુલ ઠાકોર હોવાનું અને બંને ડીસાના ઉત્તર પોલીસ સ્ટેશન વિસ્તારમાંથી બાઇકની ચોરી કરતા હોવાનું બહાર આવ્યું છે. આથી ડીસા સીટી સાઉથ પોલીસે બંને યુવાનોને ચોરાઉ બાઇક સાથે કસ્ટડીમાં લઇ તેમના રિમાન્ડ મેળવવા આગળની કાર્યવાહી હાથ ધરી છે.
પ્રાથમિક તપાસમાં બે બાઇક સવારો ડીસાના કોમ્પટ ગામના મહેન્દ્રસિંહ સોલંકી અને માલગઢ મોતી ધાણી ગામના વિપુલ ઠાકોર હોવાનું અને બંને ડીસાના ઉત્તર પોલીસ સ્ટેશન વિસ્તારમાંથી બાઇકની ચોરી કરતા હોવાનું બહાર આવ્યું છે. આથી ડીસા સીટી સાઉથ પોલીસે બંને યુવકોને ચોરાઉ બાઇક સાથે કસ્ટડીમાં લઇ તેમના રિમાન્ડ મેળવવા આગળની કાર્યવાહી હાથ ધરી છે.