ગુજરાત હાઈકોર્ટના કોર્ટ રૂમમાં 4 લોકોએ ફિનાઈલ પીને આત્મહત્યાનો પ્રયાસ કર્યો છે. ઘટનાની જાણ થતાં જ સોલા હાઈકોર્ટ પોલીસ ઘટનાસ્થળે પહોંચી ગઈ હતી. આ ચારેય લોકોના આપઘાતના પ્રયાસ પાછળના કારણો જાણવા પોલીસે તપાસ શરૂ કરી છે.આ ઘટના એવી છે કે આજે ગુજરાત હાઈકોર્ટમાં ચાર લોકોએ ફિનાઈલ પીને આપઘાતનો પ્રયાસ કર્યો હતો. આનંદનગરમાં નોંધાયેલી ફરિયાદમાં કોર્ટે આરોપીઓને આગોતરા જામીન ન આપતાં ચાર લોકોએ કોર્ટ રૂમમાં ફિનાઈલ પીને આત્મહત્યાનો પ્રયાસ કર્યો હતો. એક દંપતિ અને બે વ્યક્તિ મળી કુલ ચાર લોકોએ ફિનાઈલ પીને આપઘાતનો પ્રયાસ કર્યો છે.