નવી દિલ્હી : આંતરરાષ્ટ્રીય ક્રૂડ ઓઈલના ભાવમાં નરમાઈ વચ્ચે એવિએશન ફ્યુઅલ (ATF)ની કિંમતમાં મોટો ઘટાડો થયો છે. સાર્વજનિક ક્ષેત્રની ઓઈલ અને ગેસ માર્કેટિંગ કંપનીઓએ એટીએફના ભાવમાં પ્રતિ કિલોલીટર 6,632.25 રૂપિયા એટલે કે સાત ટકાનો ઘટાડો કર્યો છે. નવા દરો 1 જૂનથી લાગુ થઈ ગયા છે.
આ ઘટાડા પછી, દિલ્હીમાં ATFની કિંમત 6,632.25 રૂપિયા પ્રતિ kl થી ઘટીને 89,303.09 રૂપિયા પ્રતિ કિલો થઈ ગઈ છે. આ કિંમત કોલકાતામાં રૂ. 95,963.95 પ્રતિ kl, મુંબઈમાં રૂ. 83,413.96 પ્રતિ kl અને ચેન્નાઇમાં રૂ. 93,041.33 પ્રતિ કિ.એલ. થઈ ગઈ છે.
જેટ ફ્યુઅલની કિંમતમાં આ સતત ચોથો માસિક ઘટાડો છે. અગાઉ, તેની કિંમતમાં ચાર ટકા એટલે કે 1 માર્ચે 4,606.50 રૂપિયા પ્રતિ કિ.એલ., 1 એપ્રિલે 8.7 ટકા એટલે કે 9,400.68 રૂપિયા પ્રતિ કિ.એલ. અને 1 મેના રોજ 2.45 ટકા એટલે કે 2,414.25 રૂપિયા પ્રતિ કિ.એલ.નો ઘટાડો કરવામાં આવ્યો હતો.