નવી દિલ્હી : FY23 માટે, દેશના તમામ કરદાતાઓએ 31 જુલાઈ, 2023 સુધીમાં આવકવેરા રિટર્ન ફાઇલ કરવા જરૂરી છે. ITR ફાઈલ કરવાની અંતિમ તારીખ લંબાવવામાં આવશે નહીં, જો તમે આ સમયમર્યાદા ચૂકી જાઓ છો, તો તમારે ITR ફાઇલ કરવા માટે દંડ ભરવો પડશે
તમે જ્યાં કામ કરી રહ્યા છો, જો તે કંપનીએ હજુ સુધી તમને ફોર્મ 16 જારી કર્યું નથી, તો તમારે તમારી કંપની પાસેથી જલદીથી ફોર્મ 16 મેળવવું જોઈએ કારણ કે તમારી પાસે ITR ફાઈલ કરવા માટે ફોર્મ 16 હોવું આવશ્યક છે. છેલ્લી ઘડીની ભૂલો ટાળવા માટે તમારે શક્ય તેટલી વહેલી તકે ITR ફાઇલ કરવી જોઈએ.
ITR કેવી રીતે ફાઇલ કરવી?
જો તમે ઇચ્છો તો, તમે ઇ-ફાઇલિંગ પોર્ટલ અને એપ અથવા ચાર્ટર્ડ એકાઉન્ટન્ટ દ્વારા ITR ફાઇલ કરી શકો છો. જો તમે જાતે ITR ફાઈલ કરવા માંગો છો, તો તમારે ઈન્કમ ટેક્સ વિભાગની વેબસાઈટ પર ITR ઓનલાઈન ફાઈલ કરવું પડશે.
ITR ફાઇલ કરવાની પ્રક્રિયા શું છે?
- ITR ફાઈલ કરવા માટે તમારે પહેલા ઈન્કમ ટેક્સ ઈ-ફાઈલિંગ પોર્ટલ પર જવું પડશે.
- આ પછી તમારે તમારું યુઝર આઈડી (PAN), પાસવર્ડ અને કેપ્ચા કોડ દાખલ કરીને લોગિન કરવું પડશે.
- આ પછી તમારે ‘ઈ-ફાઈલ’ મેનૂ પર ક્લિક કરીને ‘ઈન્કમ ટેક્સ રિટર્ન’ લિંક પર ક્લિક કરવાનું રહેશે.
- આગલા પગલામાં, તમારે તમારી આવક અને અન્ય પરિબળોના આધારે યોગ્ય ઇન્કમ ટેક્સ રિટર્ન (ITR) ફોર્મ પસંદ કરવાની જરૂર છે.
- જો તમારી પાસે ફોર્મ 16 છે, તો તમે ITR ફોર્મ 1 અથવા ITR ફોર્મ 2 નો ઉપયોગ કરી શકો છો.
- આ પછી, તમારે મૂલ્યાંકન વર્ષ (AY) પસંદ કરવાનું રહેશે જેના માટે તમે ITR ફાઇલ કરવા માંગો છો. તમને જણાવી દઈએ કે મૂલ્યાંકન વર્ષ 2023-24 અત્યારે ચાલી રહ્યું છે અને તમારે આ વિકલ્પ પસંદ કરવો જોઈએ.
- આ પછી, ફોર્મમાં આપેલી બધી માહિતી ધ્યાનથી વાંચો અને સબમિટ કરો.
- તમારું રિટર્ન સબમિટ કર્યા પછી આધાર OTP વગેરે જેવા કોઈપણ ઉપલબ્ધ વિકલ્પોનો ઉપયોગ કરીને તેને ઈ-વેરિફાઈ કરો.
- આ પછી તમે તમારા રિટર્નની ચકાસણી કરો.
રિટર્ન ભરવા માટે આ દસ્તાવેજોની જરૂર પડશે
- ફોર્મ 16
- ફોર્મ 16A
- ફોર્મ 26AS
- કેપિટલ ગેઇન્સ સ્ટેટમેન્ટ
- કર બચત રોકાણનો પુરાવો