રાજ્યનો સૌથી મોટો રમતોત્સવ ‘ખેલ મહાકુંભ’ છે, જે ગુજરાતના પ્રતિભાશાળી ખેલાડીઓ માટે આયોજિત રમતોત્સવ છે.
રાજ્યનો સૌથી મોટો રમતોત્સવ ખેલ મહાકુંભ છે. ખેલ મહાકુંભ 2.0 ના કર્ટન રેઝરનું આજે મુખ્યમંત્રીના હસ્તે લોકાર્પણ કરવામાં આવ્યું હતું. આ અવસરે તેમણે કહ્યું કે સરકાર ખેલાડીઓને પડતી સમસ્યાઓ દૂર કરશે. તેમજ રમતગમતમાં બાળકની પ્રગતિમાં માતા-પિતાનો ફાળો હોય છે. રાજ્યના યુવાનોનો સર્વાંગી વિકાસ થાય અને રમતગમત ક્ષેત્રે યુવાનોને પ્રોત્સાહિત કરવા રાજ્ય સરકાર દ્વારા ખેલ મહાકુંભની શરૂઆત કરવામાં આવી હતી. મુખ્યમંત્રી ભૂપેન્દ્ર પટેલે અમદાવાદના શક્તિગ્રીન કન્વેન્શન સેન્ટર ખાતે ખેલ મહાકુંભ 2.0 કર્ટન રેઝરનું લોકાર્પણ કર્યું હતું. ખેલ મહાકુંભ માટે આજથી રજીસ્ટ્રેશન શરૂ થઈ ગયું છે.
ગુજરાતના પ્રતિભાશાળી ખેલાડીઓ માટે રમતોત્સવનું આયોજન કરવામાં આવ્યું છે. રાજ્યનો સૌથી મોટો રમતોત્સવ ‘ખેલ મહાકુંભ’ છે. યુવા શક્તિ માટે ગામડાથી રાજ્યકક્ષા સુધી ખેલ મહાકુંભનું આયોજન કરવામાં આવ્યું છે. વડાપ્રધાનની પ્રેરણાથી ગુજરાતમાં એક દાયકા પહેલા શરૂ થયેલી મહાકુંભની રમત આજે વટવૃક્ષ બની ગઈ છે. આજે ગુજરાતના 50 ખેલાડીઓ નેશનલ લેવલે રમી રહ્યા છે. ગુજરાતમાં 18 ખેલાડીઓ આંતરરાષ્ટ્રીય કક્ષાએ રમે છે. ગુજરાત સારી રીતે પ્રગતિ કરી રહ્યું છે. ગત વખતે 55 લાખ ખેલાડીઓએ રજીસ્ટ્રેશન કરાવ્યું હતું. હવે આપણે ઓલિમ્પિકની તૈયારી કરવાની છે.
આ વર્ષે કુલ 45 કરોડ રૂપિયાના એવોર્ડ આપવામાં આવશે. તેમજ 5 વર્ષથી નીચેના બાળકોનો પણ સમાવેશ કરવામાં આવ્યો છે. વિજેતા બાળકોની ઈનામની રકમ સીધી તેમના ખાતામાં જમા કરવામાં આવશે. તેમજ તાલુકા કક્ષાના યુવાનોને પ્રોત્સાહિત કરવામાં આવશે. શાળાની ટીમ પણ વધારવામાં આવશે. આ વર્ષે દિવ્યાંગોને તમામ સુવિધાઓ આપવામાં આવશે. આ રમતનો સમય આવવાનો છે.