Hangzhou Asian Games: ટીમ ઈન્ડિયાએ ઈતિહાસ રચ્યો, જાપાનને 5-1થી હરાવી ગોલ્ડ મેડલ જીત્યો
હેંગઝોઉ : ભારતીય હોકી ટીમે એશિયન ગેમ્સમાં શાનદાર પ્રદર્શન કરીને ગોલ્ડ મેડલ જીત્યો છે. શુક્રવારે રમાયેલી ફાઈનલ મેચમાં ભારતે ડિફેન્ડિંગ ચેમ્પિયન જાપાનને 5-1થી હરાવ્યું હતું. ભારત તરફથી કેપ્ટન હરમનપ્રીત સિંહે સૌથી વધુ બે ગોલ કર્યા હતા. જ્યારે મનપ્રીત સિંહ, અભિષેક અને અમિત રોહિદાસે એક-એક ગોલ કર્યા હતા.
હાંગઝોઉ એશિયન ગેમ્સ: ભારતીય હોકી ટીમે જાપાનને 5-1થી હરાવી ગોલ્ડ મેડલ જીત્યો અને પેરિસ ઓલિમ્પિક્સ 2024 માટે ક્વોલિફાય કર્યું. pic.twitter.com/usvIlmM40A
— ANI_HindiNews (@AHindinews) ઑક્ટોબર 6, 2023
આ જીત સાથે જ ભારતીય હોકી ટીમે આવતા વર્ષે પેરિસ ઓલિમ્પિકની ટિકિટ પણ મેળવી લીધી છે. પેરિસ ઓલિમ્પિક 26 જુલાઈથી 11 ઓગસ્ટ સુધી રમાશે.