નવી દિલ્હી: ઇન્ફોર્મેશન ટેક્નોલોજી કંપની હેપીએસ્ટ માઈન્ડ્સ ટેક્નોલોજિસે મંગળવારે જણાવ્યું હતું કે તેણે ઇક્વિટી શેરના ક્વોલિફાઇડ ઇન્સ્ટિટ્યૂશનલ પ્લેસમેન્ટ (QIP) દ્વારા રૂ. 500 કરોડ એકત્ર કર્યા છે. કંપનીએ એક નિવેદનમાં જણાવ્યું હતું કે બોર્ડ ઓફ ડિરેક્ટર્સની મૂડી વધારવાની સમિતિએ લાયક રોકાણકારોને પ્રત્યેક રૂ. 2ના ફેસ વેલ્યુના 54.11 લાખ ઇક્વિટી શેર ઇશ્યૂ કરવાની મંજૂરી આપી છે. શેર દીઠ રૂ. 924ના ભાવે ફાળવણી કરવામાં આવશે. કંપનીએ 2020માં તેનો IPO લાવ્યા બાદ પ્રથમ વખત ઈક્વિટી મૂડીમાં વધારો કર્યો છે. હેપીએસ્ટ માઈન્ડ્સ ટેક્નોલોજીના મેનેજિંગ ડિરેક્ટર અને ચીફ ફાઈનાન્સિયલ ઓફિસર વેંકટરામન નારાયણને જણાવ્યું હતું કે એકત્ર કરાયેલી મૂડી આવનારા વર્ષોમાં બિઝનેસને વધારવામાં મદદ કરશે.