કલેકટરને સસ્પેન્ડ કરવાનો આદેશ વિડીયો પુરાવા સાથે મુખ્યમંત્રીને સોંપવામાં આવ્યો હોવાનું મનાય છે. આ સંદર્ભે મુખ્યમંત્રી કક્ષાના મુખ્ય સચિવ સ્તરના અધિકારીની અધ્યક્ષતામાં સમિતિની રચના કરીને તપાસના આદેશ આપવામાં આવ્યા હતા.
આજે તાત્કાલિક અસરથી IAS ડી.એસ.ગઢવીને સસ્પેન્ડ કરી દેવાતાં વહીવટીતંત્રમાં ખળભળાટ મચી ગયો હતો. હાલમાં જ બનેલા વિવાદાસ્પદ વીડિયોના પ્રકરણે તેઓને હચમચાવી દીધા હોવાનું જાણવા મળે છે.
ડી.એસ.ગઢવીનો વિવાદાસ્પદ વીડિયો ગાંધીનગર પહોંચ્યો. વિડિયો ક્લિપ વાયરલ થવાની ઘટનાના કારણે ગઢવીને સસ્પેન્ડ કરવામાં આવ્યા હોવાની માહિતી મળી રહી છે. કલેકટરને સસ્પેન્ડ કરવાનો આદેશ વિડીયો પુરાવા સાથે મુખ્યમંત્રીને સોંપવામાં આવ્યો હોવાનું મનાય છે. આ સંદર્ભે મુખ્યમંત્રી કક્ષાના મુખ્ય સચિવ સ્તરના અધિકારીની અધ્યક્ષતામાં સમિતિની રચના કરીને તપાસના આદેશ આપવામાં આવ્યા હતા. અગાઉ તેઓ ખેડાના ડીડીઓ રહીને પણ વિવાદોમાં રહ્યા હતા. હવે તેમને આણંદ કલેક્ટર પદેથી હટાવી દેવામાં આવ્યા છે.
મૂળ મહેસાણાના ડી.એસ.ગઢવીએ ઈલેક્ટ્રોનિક્સમાં બીઈનો અભ્યાસ કર્યો છે. ગુજરાત જાહેર સેવા આયોગની પરીક્ષા પાસ કરીને તેઓ સરકારી સેવામાં જોડાયા હતા. 2015 પ્રોબેશનરી IAS દિલીપ એસ. ગઢવીએ 2022માં આણંદ જિલ્લા કલેક્ટર તરીકેનો કાર્યભાર સંભાળ્યો હતો.
તેમણે ધોળકા, પાલનપુર અને અંબાજી માતા દેવસ્થાનના નાયબ કલેક્ટર તરીકે સેવા આપી હતી. IASમાં પ્રવેશ મેળવ્યા બાદ ખેડા, ડાંગ અને સુરતમાં જિલ્લા વિકાસ અધિકારી તરીકે તેમજ ગ્રામ વિકાસ વિભાગમાં ડેપ્યુટી કમિશનર તરીકે પણ કામ કર્યું.
ડી.એસ.ગઢવીને સસ્પેન્ડ કરીને મિલિંદ બાપનાને આણંદ કલેક્ટરનો વધારાનો હવાલો સોંપવામાં આવ્યો છે. હાલમાં મિલિંદ બાપ આણંદના જિલ્લા વિકાસ અધિકારી (DDO) છે.