(GNS),તા.31
દેવભૂમિ દ્વારકામાં પોલીસે દરિયાકાંઠાના વિસ્તારોમાં સઘન ચેકિંગ હાથ ધર્યું છે. યોગ્ય દસ્તાવેજો વિના માછીમારી કરતી બોટો સામે કાર્યવાહી કરવામાં આવી છે. પોલીસે ઓખા, બેટ દ્વારકા, રૂપેણ બંદર સહિતના દરિયાકાંઠાના વિસ્તારોમાં ચેકિંગ શરૂ કર્યું છે. જેમાં પોલીસે 183 બોટની તપાસ કરી 4 બોટ સામે કાર્યવાહી કરી હતી. જેથી બોટ સંચાલકો પાસે પૂરતા દસ્તાવેજો ન હોવાથી ફરિયાદ નોંધવામાં આવી છે. જો કોઈ શંકાસ્પદ પ્રવૃત્તિની જાણ થાય તો માછીમારોને તાત્કાલિક પોલીસને જાણ કરવા સૂચના આપવામાં આવી છે. બીજી તરફ પાકિસ્તાન મરીનની નાપાક પ્રવૃતિઓ સામે આવી છે. IMBL ને જાણવા મળ્યું છે કે એક ભારતીય બોટ અને 9 માછીમારોનું અપહરણ કરવામાં આવ્યું છે. તો બેટ દ્વારકાની બોટ ઓખાથી માછીમારી કરવા માટે નીકળી છે.