લોકસભા ચૂંટણીમાં NDAને પડકારવા માટે રચાયેલા INDI ગઠબંધનમાં ટિકિટની વહેંચણીને લઈને હજુ કોઈ વાત થઈ નથી. તમામ પક્ષો બેઠકોથી સંતુષ્ટ નથી. પપ્પુ યાદવ આજે પૂર્ણિયાથી અપક્ષ ઉમેદવાર તરીકે લોકસભા માટે ઉમેદવારી નોંધાવશે. પરંતુ સીટની વહેંચણી પહેલા જ લાલુ યાદવે અહીંથી બીમા ભારતીને ટિકિટ આપી હતી અને બીમા ભારતીએ પણ પૂર્ણિયાથી ઉમેદવારી નોંધાવી હતી.
પપ્પુ યાદવે તાજેતરમાં જ તેમની પાર્ટી જન અધિકાર પાર્ટીનું કોંગ્રેસમાં વિલિનીકરણ કર્યું હતું. કહેવામાં આવી રહ્યું છે કે પપ્પુ યાદવના તમામ પ્રયાસો છતાં આરજેડીએ આ સીટ છોડી નથી. આ પછી હવે પપ્પુ યાદવ અપક્ષ ઉમેદવાર તરીકે ચૂંટણી લડવાની તૈયારી કરી રહ્યા છે. આ સંબંધમાં તેઓ આજે ઉમેદવારી નોંધાવશે. સીમાંચલ વિસ્તારમાં પૂર્ણિયા બેઠક ખૂબ જ મહત્વપૂર્ણ માનવામાં આવે છે. પપ્પુ યાદવ પહેલા પણ અહીંથી સાંસદ રહી ચૂક્યા છે.