વડાપ્રધાન મોદી 2015 બાદ સાતમી વખત સાઉદી અરેબિયા પહોંચ્યા છે. વડાપ્રધાન નરેન્દ્ર મોદી અને UAEના પ્રમુખ શેખ મોહમ્મદ બિન ઝાયેદ અલ નાહયાનને ભેટી પડ્યા. પીએમ મોદીના આગમન પર તેમને ગાર્ડ ઓફ ઓનર પણ આપવામાં આવ્યું હતું. આ દરમિયાન પીએમ મોદી UAEમાં 27 એકરમાં બનેલા મંદિરનું ઉદ્ઘાટન કરશે.
‘અહલાન મોદી’ કાર્યક્રમમાં પરંપરાગત રજૂઆત
‘અહલાન મોદી’ કાર્યક્રમ માટે મહિલાઓ પરંપરાગત શૈલીમાં તૈયાર છે. પીએમ મોદીને આવકારવા માટે મહિલાઓ ઘૂમર ડાન્સ કરશે. આ સમયગાળા દરમિયાન લગભગ એક હજાર કલાકારો સાંસ્કૃતિક કાર્યક્રમો રજૂ કરશે.
અબુ ધાબીમાં ‘અહલાન મોદી’ ઈવેન્ટમાં ભારતીય ડાયસ્પોરાના સભ્ય રશ્મિ ભણસાલીએ કહ્યું, “અમારા માટે આદરની વાત છે કે અહીં એક મંદિરનું ઉદ્ઘાટન થઈ રહ્યું છે. મોદીજી આજે અહીં આવી રહ્યા છે. એવું લાગે છે કે આજે અમારું સપનું સાકાર થયું છે.”
પીએમ મોદી અને શેખ મોહમ્મદ બિન જાયદ અલ નાહ્યાને સંયુક્ત આરબ અમીરાતના અબુ ધાબીમાં બેઠક યોજી હતી.