રાજકોટના વીરપુર બસ સ્ટેન્ડ પાસે જાહેરમાં મારામારીની ઘટના સામે આવી છે. રાજકોટના વીરપુર બસ સ્ટેન્ડ પાસે હોર્ન વગાડતા કાર ચાલક અને એસટી બસ ચાલક વચ્ચે ઝઘડો થયો હતો. જે બાદ વિવાદ વધી ગયો હતો અને કાર ચાલકે એસટી બસ ચાલકને ટક્કર મારી હતી.
કાર ચાલકે એસટી ચાલકને બસમાંથી નીચે ઉતાર્યો હતો. અને યુવકને રસ્તા પર ઉતારીને માર મારવાનું શરૂ કર્યું હતું. આ ઝઘડાનો વીડિયો પણ વાયરલ થયો છે. આ સમયે લોકોના ટોળા ઉમટી પડ્યા હતા. પરંતુ કોઈએ દરમિયાનગીરી કરી વિવાદને શાંત પાડવાનો પ્રયાસ કર્યો ન હતો. એસટી બસના ચાલકે વીરપુર પોલીસ સ્ટેશનમાં હુમલો કરનાર યુવકો વિરુદ્ધ ફરિયાદ નોંધાવી છે.