ગુજરાતમાં દારૂબંધી છે. આમ છતાં ગુજરાતમાંથી અવારનવાર જંગી માત્રામાં દારૂ ઝડપાય છે. સુરેન્દ્રનગરના ઇસદરા ગામ નજીક અને ધ્રાંગધ્રા વાડીપરા પાસે દેશી દારૂની ભઠ્ઠી પર પોલીસે દરોડો પાડ્યો હતો. 2100 કિલો દેશી દારૂ આથો અને દેશી દારૂ મળી આવ્યો હતો. ધ્રાંગધ્રા પોલીસે સ્થળ પર જ દેશી દારૂનો નાશ કર્યો હતો. પોલીસના દરોડા દરમિયાન આરોપી ફરાર થઈ ગયો હતો. પોલીસે ફરાર આરોપીને પકડવા આગળની કાર્યવાહી હાથ ધરી છે.
અગાઉ વલસાડમાં સેનાના બે જવાનો દારૂની હેરાફેરી કરતા ઝડપાયા હતા.વલસાડમાં મરાઠા બટાલિયનના બે જવાનો દારૂની 17 પેટીઓ સાથે ઝડપાયા હતા. આર્મી અને ડિફેન્સ માર્કિંગવાળી કાર દારૂની હેરાફેરી કરતી હોવાનું જાણવા મળ્યું હતું. સૂત્રોના જણાવ્યા અનુસાર દમણથી નવસારી તરફ 552 બોટલ દારૂ લઈ જવામાં આવી રહ્યો હતો. તે પાર્ટી માટે દમણથી નવસારી તરફ દારૂ લઈને જતો હોવાની બાતમી મળી હતી.