ઊંઝા તાલુકાના ભુણાવ અને ખટાસણા એક્સેસ રોડ પર બાવળ અને ઝાડીઓ વચ્ચેના રોડ પર વાહનચાલકોને મુશ્કેલીનો સામનો કરવો પડી રહ્યો છે. ત્યારે તંત્ર ક્યારે કાર્યવાહી કરશે તેવી લોકમાંગ ઉઠી છે.
મુખ્યમંત્રી ગ્રામ સડક યોજના અંતર્ગત ઊંઝા તાલુકાના ભુણાવ અને ખટાસણા વચ્ચે લીંક રોડ બનાવવામાં આવ્યો છે. છેલ્લા કેટલાય સમયથી બનેલા એપ્રોચ રોડ પર બાવળના ઝાડ અને ઝાડીઓના કારણે વાહનચાલકોને મુશ્કેલીનો સામનો કરવો પડી રહ્યો છે. ઉપરાંત રાત્રીના સમયે અકસ્માતનો પણ ભય રહે છે. જ્યારથી રોડ બન્યો છે ત્યારથી રોડની બાજુની સફાઈ કરવામાં આવી નથી. આ બાબતે તંત્ર કેમ મૌન છે, રોડ કોન્ટ્રાક્ટર અને તંત્ર દ્વારા કોઈ કાર્યવાહી કરવામાં આવતી નથી. આ બાબત પરથી પડદો ક્યારે હટશે તે તો સમય જ કહેશે. ઉલ્લેખનીય છે કે ઊંઝા તાલુકામાં ઘણા એપ્રોચ રોડ છે જે ઝાડીઓ અને બાવળથી ભરેલા છે. તંત્રએ મૌન સેવ્યું છે.