સૂત્રોએ જણાવ્યું કે તાપી જિલ્લા પંચાયત શિક્ષણ સમિતિના મહિલા પ્રમુખ લાંચ લેતા એસીબીના હાથે ઝડપાઈ ગયા છે, પરંતુ મહિલાનો રાજકીય દબદબો ભારે હોવાથી સમગ્ર મામલો થાળે પાડવાના પ્રયાસો થઈ રહ્યા છે.
તાપી જિલ્લા શિક્ષણ સમિતિના પ્રમુખ સરિતા વસાવા લાંચ લેતા ઝડપાયાના સમાચાર વાયુવેગે પ્રસરતા જ ભારતીય જનતા પાર્ટીના કાર્યકરો ઘટના સ્થળે દોડી આવ્યા હતા. અને સમગ્ર ઘટનાને દબાવવાનો પ્રયાસ કરવામાં આવ્યો હતો. જેના કારણે અત્યાર સુધી આ મામલે મીડિયાને કોઈ સત્તાવાર માહિતી આપવામાં આવી નથી.
કોણ બચાવે છે :-
સૂત્રો પાસેથી મળેલી માહિતી મુજબ સરિતા વસાવાનું સ્ટેટસ મોટા નેતાઓ સાથે છે. જેના કારણે તેમની સામે યોગ્ય કાર્યવાહી કરવામાં આવી નથી. શુક્રવારે શિક્ષણ સમિતિના ચેરમેનને એસીબી કચેરીએ લઇ જવાયા હતા. છથી સાત કલાકની પૂછપરછ છતાં હજુ સુધી કોઈ સાચી માહિતી મળી નથી. ત્યારે તાપી એસીબી પર પણ અનેક સવાલો ઉઠી રહ્યા છે. સવાલ એ છે કે મહિલાઓ પાસે રાજકીય સત્તા હોવાથી કોઈ તમારું રક્ષણ કરી રહ્યું છે?