મોંઘવારી કેમ ઘટી?
મોંઘવારી સંબંધિત આ ડેટા ત્યારે સામે આવ્યો છે જ્યારે આરબીઆઈએ તેની મોનેટરી પોલિસી કમિટીની બેઠકમાં રેપો રેટને 6.5%ના સ્તરે સ્થિર કર્યો હતો અને આરબીઆઈના આ નિર્ણયથી સમગ્ર બજારને આંચકો લાગ્યો હતો. રેપો-રેટ સેટિંગ પેનલે તેણે કરેલા 250 BPS (બેઝિસ પોઈન્ટ્સ) વધારાની અસર જોવાની હતી. પેનલે એ પણ સ્પષ્ટ કર્યું હતું કે જો જરૂર પડે તો પેનલ દ્વારા દર વધારી શકાય છે. જોકે, ઈકોનોમિસ્ટનું માનવું છે કે MPC દ્વારા રેપો રેટમાં વધારો કરવામાં આવશે નહીં. RBIની તાજેતરની આગાહી અનુસાર, CPI ફુગાવો 2023-24 વચ્ચે સરેરાશ 5.2%ના સ્તરે રહી શકે છે. એટલું જ નહીં, FY24 ના ત્રિમાસિક ગાળા દરમિયાન CPI ફુગાવો 5.1% થી 5.4% ની વચ્ચે રહી શકે છે. MPCની આગામી બેઠક 6 થી 8 જૂન દરમિયાન યોજાશે અને ત્યારબાદ એપ્રિલ મહિનાના ફુગાવાના આંકડા પણ ઉપલબ્ધ થશે.