(જીએનએસ), 30
હવે વડોદરામાં ટ્રેન પલટી મારવાના પ્રયાસની ઘટનામાં એટીએસની એન્ટ્રી થઈ છે. ATSએ સ્ટેશનની આસપાસના વિસ્તારોમાં તપાસ શરૂ કરી છે. ગ્રામ્ય પોલીસની ટીમો પણ તપાસ કરી રહી છે. વરણામા-ઇટોલા વચ્ચે આખી ટ્રેનને ઉથલાવી દેવાનું કાવતરું ઘડવામાં આવ્યું હતું. વડોદરા રેલવે ટ્રેક પરથી પસાર થવા માટે ટ્રેનોને સિગ્નલ ન મળવાના કિસ્સાઓ સામે આવ્યા છે. કોઇ અજાણ્યા શખ્સે મેટલ ફેન્સીંગ પોલ તોડવાનું કાવતરું ઘડ્યું હોવાનું બહાર આવ્યું હતું. આ ઘટનામાં ઓખા-શાલીમાર અને અમદાવાદ-પુરી એક્સપ્રેસ ટ્રેનનો આબાદ બચાવ થયો હતો. અન્ડરકવર ATSએ વડોદરા સ્ટેશનની આસપાસના વિસ્તારોમાં તપાસ શરૂ કરી છે. વડોદરા ગ્રામ્ય પોલીસની જુદી જુદી ટીમો દ્વારા તપાસ હાથ ધરવામાં આવી છે. આ મામલે શંકાસ્પદ લોકોની પણ પૂછપરછ કરવામાં આવી રહી છે. મહત્વનું છે કે વંદે ભારત ટ્રેનના કારણે અને સ્પીડ અપગ્રેડીંગ કામગીરીના ભાગરૂપે વડોદરા સુરત રેલ્વે ટ્રેક પર જરૂરી કામગીરી કરવામાં આવી રહી છે, અને આ કામ માટે જરૂરી મેટલ ફેન્સીંગના થાંભલાનો મોટો જથ્થો અહી રાખવામાં આવ્યો હતો, ત્યાંથી આ થાંભલાઓ મુકવામાં આવ્યા હતા. કોઈ અજાણ્યા વ્યક્તિ દ્વારા ટ્રેક પર લાવવામાં આવ્યો હતો જોકે હવે ATS આ સમગ્ર મામલાની તપાસ કરી રહી છે.