વિસનગરથી મહેસાણા જવાના રોડ પર બાસણા ગામના વળાંક પર પૂરપાટ ઝડપે આવતી કારના ચાલકે બાઇકને ટક્કર મારતા બાઇક પર સવાર બે યુવાનોને ગંભીર ઇજાઓ થતાં તેઓને સારવાર અર્થે હોસ્પિટલમાં ખસેડાયા હતા. આથી બનાવ સંદર્ભે પોલીસે કારચાલક સામે ફરિયાદ નોંધી વધુ તપાસ હાથ ધરી છે. જોટાણા તાલુકાના હરસુંદલ ગામના ઠાકોર ઇન્દ્રજીત રામુજી તેના મિત્રો ઠાકોર અજયજી નવઘણજી, ઠાકોર રણજીતજી અરજણજી, ઠાકોર અંકિતજી કાળાજી સાથે ત્રણ બાઇક લઇને દાંતા તાલુકાના પાણીયારી ખાતે પિકનિક માટે ગયા હતા. જ્યાંથી ઘરે પરત ફરતી વખતે ઇન્દ્રજીત બાઇક પર પાછળ બેઠેલા અજ્યાજી સાથે તાલુકાના બાસણા ગામના વળાંક પરથી પસાર થઇ રહ્યો હતો. દરમિયાન ફોર વ્હીલરના ચાલકે અચાનક ડિવાઈડર કાપી મારી બાઇકને ટક્કર મારતાં બંને નીચે પટકાયા હતા. જેથી નીચે પટકાતા તેને ગંભીર ઈજાઓ થતાં મહેસાણા સિવિલ હોસ્પિટલમાં સારવાર અર્થે ખસેડાયો હતો. જેથી આ બનાવ અંગે ઈન્દ્રજીતભાઈએ અજાણ્યા વાહન ચાલક સામે ફરિયાદ નોંધાવતા પોલીસે ગુનો નોંધી વધુ તપાસ હાથ ધરી છે.