ઈટાલીમાં વડાપ્રધાન જ્યોર્જિયા મેલોનીની સરકારનો એક મોટો નિર્ણય ચર્ચામાં આવ્યો છે. અહેવાલો અનુસાર, મેલોનીએ દેશની શિક્ષણ પ્રણાલીમાં સુધારા અને સાંસ્કૃતિક એકતાને મજબૂત કરવાને ટાંકીને નવો આદેશ જારી કર્યો છે. આ નવા આદેશ હેઠળ ઈટાલીની શાળાઓમાં બુરખા અને નકાબ પહેરવા પર પ્રતિબંધ મુકવામાં આવ્યો છે.
નવા આદેશમાં શાળાઓમાં બુરખા અને નકાબ જેવા સમગ્ર ચહેરાને ઢાંકતા ધાર્મિક વસ્ત્રો પહેરવા પર સંપૂર્ણ પ્રતિબંધ છે. વધુમાં, દરેક વર્ગમાં ઇટાલિયન ભાષાનું ઓછું જ્ઞાન ધરાવતા વિદેશી વિદ્યાર્થીઓની સંખ્યા માટે મહત્તમ 30 ટકાની મર્યાદા નક્કી કરવામાં આવી છે. જો કે, સરકારે કહ્યું છે કે આ પ્રતિબંધ હિજાબ જેવા પરંપરાગત હેડસ્કાર્ફ પર લાગુ થશે નહીં.
નિયમો તોડવાની સજા શું છે?
ઈટાલીમાં આ નિયમોનો ભંગ કરનારને સખત સજા કરવામાં આવશે. નિયમનું ઉલ્લંઘન કરવા પર 200 થી 1,000 યુરો સુધીનો દંડ થઈ શકે છે. જ્યારે ઉલ્લંઘન કરનાર વિદ્યાર્થી સગીર હશે તો આ સજા તેના માતા-પિતાને લાગુ પડશે. જ્યારે શાળાઓ જ્યાં 30 ટકાથી વધુ બાળકો છે જેઓ ઇટાલિયન નથી જાણતા, તેમને ઇટાલિયન માટે અલગ બેઠકો ઉમેરવા માટે કહેવામાં આવશે.
