યાત્રાધામ અંબાજીમાં દિવસ દરમિયાન ભારે વરસાદ પડ્યો હતો. અંબાજી અને આસપાસના વિસ્તારોમાં ધોધમાર વરસાદ પડી રહ્યો છે. જેના કારણે સમગ્ર વિસ્તારમાં પાણી ભરાઈ ગયા છે. અંબાજીના મુખ્ય માર્ગો સહિત અન્ય માર્ગો પર પણ પાણીનો ભરાવો જોવા મળી રહ્યો છે. અંબાજીમાં છેલ્લા એક કલાકથી મુશળધાર વરસાદ પડી રહ્યો છે. ત્યારે અંબાજી મંદિરના શોપિંગ સેન્ટરમાં પણ વરસાદી પાણી ઘુસી ગયા છે. દુકાનો આગળ અને મંદિરમાં પાણી ભરાઈ જવાથી ભક્તોની સાથે દુકાનદારોને પણ મુશ્કેલીનો સામનો કરવો પડી રહ્યો છે. અંબાજીના મુખ્ય માર્ગો પર ભારે વરસાદના કારણે રસ્તા પર નદીની જેમ પાણી વહેતા જોવા મળી રહ્યા છે. જેના કારણે વાહનચાલકો અને લોકોને પણ ભારે હાલાકીનો સામનો કરવો પડી રહ્યો છે.