અંગદાન એ એક મહાન દાન છે, વ્યક્તિના અવયવો તેના મૃત્યુ પછી અન્ય વ્યક્તિને નવું જીવન આપે છે તેનાથી મોટું કોઈ સુખ નથી. અમદાવાદના ઈસનપુર વિસ્તારમાં રહેતા પરિવારને આ વાતની જાણ થતાં 38 વર્ષની વયે બ્રેઈન ડેડ મહિલાના શરીરના અંગોનું દાન કર્યું હતું. શહેરના એસજી હાઈવે પર આવેલી ખાનગી હોસ્પિટલમાં એક પરિવારે હૃદય, લીવર, બે કિડની અને બે આંખોનું દાન કરીને સમાજમાં અંગદાનનો નવો દાખલો બેસાડ્યો છે, જેણે અનેક લોકોના જીવનને ઉજ્જવળ બનાવ્યું છે. બ્રેઈન ડેડ થયાના 24 કલાકમાં જ મહિલાનું હૃદય યુએન મહેતા હોસ્પિટલમાં દાખલ 50 વર્ષીય મહિલામાં ટ્રાન્સપ્લાન્ટ કરવામાં આવ્યું હતું.