એસીબીની ટીમે સબ રજીસ્ટ્રારના ઘરે તપાસ કરતાં રૂ. 58 લાખથી વધુની રોકડ મળી આવી હતી
વેજલપુરના સબ રજીસ્ટ્રાર 1.50 લાખની લાંચ લેતા મસમોટા કૌભાંડમાં ઝડપાયા છે. વધુ એક ભ્રષ્ટ અધિકારીની ધરપકડથી અમદાવાદમાં ખળભળાટ મચી ગયો છે. અમદાવાદના વેજલપુરમાં મની લોન્ડરીંગ સબ રજીસ્ટ્રારના ઘરમાંથી 58 લાખથી વધુની રોકડ અને 12 બોટલ દારૂ મળી આવતા ACBની તપાસમાં દોડધામ મચી ગઈ છે.
એસીબીએ લાંચિયા સબ રજીસ્ટ્રાર સામે પ્રોહિબિશનનો ગુનો પણ નોંધ્યો છે. હવે વેજલપુરના સબ રજીસ્ટ્રારની મિલકતની પણ તપાસ કરવામાં આવશે. સબ-રજિસ્ટ્રારના ઘરની તલાશીમાં રૂ. 58 લાખથી વધુની રોકડ રકમ મળી આવી હતી. પૈસાની સાથે આરોપી સબ રજીસ્ટ્રાર તુલસીદાસ મારકણાના ઘરેથી દારૂની 12 બોટલો પણ મળી આવી છે. એસીબીએ દારૂબંધી અંગે અલગથી ગુનો નોંધી વધુ તપાસ હાથ ધરી છે.
અપ્રમાણસર મિલકતોની તપાસ ચાલી રહી છે. કૌભાંડમાં કોણ કોણ સંડોવાયેલ છે તેની તપાસ કરવામાં આવશે. ઘરમાંથી કોઈ દસ્તાવેજી પુરાવા મળ્યા નથી. આ ઘટનામાં વેજલપુરના સબ રજીસ્ટ્રારે સોસાયટીના મકાનના દસ્તાવેજોના બદલામાં 1.50 લાખની લાંચ માંગી હોવાનું પણ સામે આવી રહ્યું છે.