(GNS),તા.03
અમદાવાદમાં આજથી ડબલ ડેકર AMTSનો પ્રારંભ થયો છે. મેયર પ્રતિભા જૈને વાસણા ચાંદખેડા રૂટ પર ઈ-બસ શરૂ કરી છે. જમાલપુર AMTS ડેપોમાંથી ડબલ ડેકર બસનું ઉદ્ઘાટન કરવામાં આવ્યું છે. પ્રથમ ડબલ ડેકર વાસણાથી સારથી બંગલોઝ વચ્ચે ચાલતું જોવા મળ્યું હતું. અમદાવાદમાં 32 વર્ષ બાદ ફરી ડબલ ડેકર બસો રસ્તાઓ પર દોડતી જોવા મળી રહી છે. જમાલપુર AMTS ડેપોમાંથી ડબલ ડેકર ઈ-બસનું ઉદ્ઘાટન કરવામાં આવ્યું છે. પ્રથમ ડબલ ડેકર ટ્રેન વાસણા અને સારથી બંગ્લોઝ વચ્ચે જોવા મળી હતી. આ ડબલ ડેકર ઈ-બસ માટે ખાસ રૂટ પસંદ કરવામાં આવ્યો છે જેમાં અન્ડર બ્રિજ કે ઓવર બ્રિજનો સમાવેશ થતો નથી. આ બસ વધુ મુસાફરો સાથે 7 રૂટ પર દોડતી જોવા મળશે.
હાલમાં અમદાવાદમાં આજથી પ્રથમ ડબલ ડેકર ઈ-બસ જોવા મળી રહી છે.અમદાવાદ શહેરમાં એપ્રિલ મહિના સુધીમાં 6 ડબલ ડેકર બસ દોડાવવાની યોજના છે.આ બસમાં એક બસમાં 63 મુસાફરોની ક્ષમતા છે. નવી ડબલ ડેકર ઈ-બસની વિશેષતા એ છે કે બસને ચાર્જ કરવામાં દોઢથી ત્રણ કલાકનો સમય લાગશે. ચાર્જ કર્યા બાદ આ બસ 250 કિલોમીટર ચાલશે. આ બસમાં મુસાફરોને આરામદાયક સીટો મળશે. આ ડબલ ડેકર ઈ-બસ આધુનિક ટેકનોલોજીથી સજ્જ છે. યુએસબી ચાર્જર, વાઈફાઈ, રીડિંગ લાઈટની જોગવાઈ છે.