શ્રી રિચાર્ડ માર્લ્સ ભારત અને ઓસ્ટ્રેલિયા વચ્ચે ક્રિકેટ વર્લ્ડ કપની ફાઇનલ મેચ જોવા અમદાવાદ પહોંચ્યા હતા.
(GNS),તા.19
અમદાવાદ
આજે 19મી નવેમ્બરે અમદાવાદના નરેન્દ્ર મોદી સ્ટેડિયમ ખાતે ભારત અને ઓસ્ટ્રેલિયા વચ્ચે ક્રિકેટ વર્લ્ડ કપની ફાઇનલ મેચનું આયોજન કરવામાં આવ્યું છે.આ ઐતિહાસિક મેચ જોવા માટે ઓસ્ટ્રેલિયાના ડેપ્યુટી પીએમ અને સંરક્ષણ મંત્રી શ્રી રિચર્ડ માર્લ્સ અમદાવાદ એરપોર્ટ પર પહોંચ્યા હતા, જ્યાં તેઓનું સ્વાગત કરવામાં આવ્યું હતું. મુખ્યમંત્રી શ્રી ભૂપેન્દ્ર પટેલ દ્વારા ઉષ્માભેર સ્વાગત કરવામાં આવ્યું હતું.
આ પ્રસંગે ભારતમાં ઓસ્ટ્રેલિયાના ચીફ કમિશનર શ્રી ફિલિપ ગ્રીન, રાજ્યના મુખ્ય સચિવ શ્રી રાજ કુમાર, ડીજી લો એન્ડ ઓર્ડર શ્રી શમશેર સિંઘ, સંરક્ષણ મંત્રાલયના એર વાઇસ માર્શલ શ્રી એસ. શ્રીનિવાસન, ચીફ પ્રોટોકોલ ઓફિસર શ્રી. જ્વલંત ત્રિવેદી, કલેક્ટર સુશ્રી પ્રવીણા ડી.કે. શ્રી સહિતના વરિષ્ઠ અધિકારીઓએ ઓસ્ટ્રેલિયાના ડેપ્યુટી પીએમનું સ્વાગત કર્યું હતું.