આજે પણ રાજ્યમાં વરસાદની સ્થિતિ યથાવત છે. આજે સવારે 6 વાગ્યાથી સાંજના 6 વાગ્યા સુધી રાજ્યના 68 તાલુકાઓમાં વરસાદ નોંધાયો છે. જેમાં 20 તાલુકાઓમાં 1 ઈંચ કે 1 ઈંચથી વધુ વરસાદ નોંધાયો છે. નવસારીના ચીખલી તાલુકામાં સાડા ચાર ઈંચ વરસાદ નોંધાયો છે. અમરેલી શહેરમાં સાંજે 4 થી 6 દરમિયાન બે કલાકમાં ત્રણ ઈંચ વરસાદ ખાબકતા માર્ગો પર પાણી ભરાઈ ગયા હતા. હવામાન વિભાગનું અનુમાન છે કે 16 જુલાઈ પછી રાજ્યમાં ફરી ભારે વરસાદ પડશે.