(GNS),05
અમેરિકામાં ફરી ગુજરાતીઓને નિશાન બનાવવામાં આવ્યા છે. અમેરિકામાં એક ગુજરાતી યુવક પર ફાયરિંગની ઘટના સામે આવી છે. નડિયાદના ઉજાસ મેનગર નામના યુવાન પર લૂંટના ઈરાદે હુમલો કરવામાં આવ્યો હતો. ફાયરિંગમાં ખેડાનો એક યુવક ગંભીર રીતે ઘાયલ થયો હતો. હાલ તેઓ અમેરિકામાં સારવાર હેઠળ છે. અમેરિકાની ધરતી પર ફરી એકવાર ભારતીયોને નિશાન બનાવવામાં આવી રહ્યા છે. અમેરિકાના નોર્થ કેરોલિના રાજ્યમાં નડિયાદના ઉજાસ મેનગર નામના યુવક પર હુમલો થયો હતો. લૂંટના ઇરાદે કોઇ અજાણ્યા શખ્સે ગ્રીન બોરો સિટીમાં રહેતા ઉજાસ પર ગોળીબાર કર્યો હતો.
ગ્રીન બોરો સિટીમાં ઉજાસણાના ઘરની બહાર અજાણ્યા શખ્સોએ લૂંટના ઈરાદે ત્રણ રાઉન્ડ ફાયરિંગ કર્યું હતું. આ હુમલામાં ઉજાસના પેટમાં ગોળી વાગતાં તેને સારવાર માટે હોસ્પિટલમાં ખસેડવામાં આવી હતી. ઈજાગ્રસ્ત ઉજાસ હાલ હોસ્પિટલના આઈસીયુમાં સારવાર હેઠળ છે. ઉજાસનો પરિવાર ઘણા સમયથી અમેરિકામાં સ્થાયી થયો છે. ઉજાસ વોલ્વો ટ્રક કંપનીમાં પ્રોડક્ટ મેનેજર તરીકે કામ કરે છે. ઉજાસ પર બનેલી આ ઘટનાથી તેના પરિવારમાં શોક છવાઈ ગયો છે. બીજી તરફ અમેરિકન પોલીસ લૂંટારાઓને શોધવા માટે કામ કરી રહી છે.