બનાસકાંઠા જિલ્લાની અતિસંવેદનશીલ અમીરગઢ બોર્ડર ચેકપોસ્ટ પરથી ફરી એકવાર હથિયાર મળી આવ્યું છે. જેમાં દેશી બનાવટી પિસ્તોલ સાથે રાજસ્થાનથી બસમાં બેસીને બે શખ્સો ગુજરાતમાં પ્રવેશી રહ્યા હતા. બોર્ડર ચેકપોસ્ટ પર નિયમિત ચેકિંગ દરમિયાન પોલીસ બસને ચેક કરવા જતાં બંને મુસાફરો શંકાસ્પદ જણાતા પોલીસે તેમની પાસેથી એક પિસ્તોલ અને નવ જીવતા કારતૂસ કબજે કર્યા હતા. જોકે, એક ઇસમ પોલીસને જોઇને નાસી છૂટ્યો હતો અને પોલીસે 11 હજારથી વધુનો મુદ્દામાલ કબજે કરી વધુ તપાસ હાથ ધરી છે.