અરવલ્લી જિલ્લામાં ભારે વરસાદના કારણે નદીઓમાં નવા પાણી આવ્યા છે. ઉનાળા દરમિયાન સુકી ભાટ ભસતી નદીઓ બે કાંઠે વહેવા લાગી છે. ત્યારે વાતાવરણમાં પણ ઠંડક પ્રસરી છે. માલપુરની વાત્રક નદીમાં નવું પાણી આવ્યું છે. વાત્રક નદીમાં 3550 ક્યુસેક પાણી આવ્યું છે. જ્યારે મોડાસાના માઝુમ ડેમમાં પણ 500 ક્યુસેક પાણીની આવક નોંધાઈ હતી, જ્યારે પ્રથમ વરસાદથી નદીઓમાં નવા પાણી આવ્યા હોવાથી ખેડૂતો આનંદમાં છે. ખેડૂતો અને પશુપાલકોને મફત પાણી મળે તેવી અપેક્ષા છે. નદીઓમાં નવા પાણી આવવાને કારણે ઉનાળામાં ઊંડા બોરવેલનું સ્તર પણ વધશે.