ઉત્તર ગુજરાતમાં પણ છેલ્લા 2 દિવસથી ઘેરા વાદળોની હાજરી જોવા મળી હતી. 9 તાલુકામાં 22 કલાકમાં અડધા ઈંચથી ઓછો વરસાદ નોંધાયો છે. જેમાં વિજયનગરમાં 7 મીમી, ખેરાલુ અને મોડાસામાં 3-3 મીમી, ખેડબ્રહ્મા, પ્રાંતિજ અને સમી 2-2 મીમી, ચાણસ્મા, થરાદ અને ઇડરમાં 1-1 મીમી વરસાદ નોંધાયો હતો. જ્યારે બહુચરાજી સહિતના વિસ્તારોમાં હળવા ઝાપટા પડ્યા હતા. વરસાદ વચ્ચે તાપમાનમાં પોણો ડિગ્રીનો ઘટાડો થયો હતો. જેના કારણે મુખ્ય 6 શહેરોમાં તાપમાન 35 ડિગ્રીથી નીચે ગયું હતું. તાપમાનમાં ઘટાડો અને ભેજ 55% ની આસપાસ હોવા છતાં બપોરે અસહ્ય ગરમી હતી.
હવામાન વિભાગની આગાહી મુજબ ઉત્તર ગુજરાતમાં 27 અને 28 જૂને હળવાથી મધ્યમ વરસાદની શક્યતા છે. 27 જૂન મંગળવારના રોજ અરવલ્લી જિલ્લાના કેટલાક વિસ્તારોમાં ભારે વરસાદ પડી શકે છે. આ દરમિયાન ગાજવીજ સાથે વરસાદ પડી શકે છે.