(રખેવાલ ન્યુઝ) પાલનપુર, પાલનપુરના આબુ હાઇવે પરની ટ્રાફિક સમસ્યાના નિરાકરણ માટે જિલ્લા કલેક્ટરે આ માર્ગ પર ભારે વાહનોની અવરજવર પર પ્રતિબંધ ફરમાવતું જાહેરનામું બહાર પાડ્યું છે. બીજી તરફ ચંડીસર, વાગરોલ, ચિત્રાસણીથી આબુ રોડ જવા માટે વાહનોને ડાયવર્ટ કરવામાં આવ્યા છે. જેમાં પાલનપુરથી આબુ તરફ જતા વાહનો ચંડીસરથી પસાર થતા હોય છે. પરંતુ આબુ રોડ તરફથી આવતા વાહનોને ચિત્રાસણી તરફથી ડાયવર્ટ કરવામાં ન આવતા પાલનપુરના આબુ હાઇવે પર એક તરફના રોડ પર ભારે વાહનોની લાંબી કતારો લાગી છે.
પાલનપુરના આબુ હાઇવે પર ઓવરબ્રિજનું કામ ચાલી રહ્યું છે. તેમજ ચોમાસાની ઋતુના કારણે વરસાદી પાણી રોડ પર ભરાઈ ગયા છે જેના કારણે ટ્રાફિક જામની સમસ્યા સર્જાઈ છે. જેનાથી બચવા માટે જિલ્લા કલેકટરે પાલનપુરના આબુ રોડ હાઇવેની બંને બાજુથી પસાર થતા ભારે વાહનોને ચંડીસર વાગરોલ, ચિત્રાસણી માર્ગ થઇને ડાયવર્ટ કરવા જાહેરનામું બહાર પાડ્યું છે.
જેના કારણે પાલનપુરથી આબુ રોડ તરફ જતા ભારે વાહનોને ચંડીસર, વાગરોલ ચિત્રાસણી રોડ પરથી ડાયવર્ટ કરવામાં આવ્યા છે. પરંતુ આબુ રોડ તરફથી આવતા વાહનોને ચિત્રાસણીથી વાગરોલ, ચંડીસર થઇને ડાયવર્ટ કરવામાં આવ્યા ન હતા અને પાલનપુરના આબુ હાઇવે પરના વન-વે રોડ પર ભારે વાહનોની લાંબી કતારો જોવા મળી હતી. ત્યારે પાલનપુર તાલુકા પોલીસે આબુ હાઇવે પર જિલ્લા કલેકટરના જાહેરનામાનો કડક અમલ કરાવવો જોઇએ.
જેના કારણે પાલનપુરથી આબુ રોડ તરફ જતા ભારે વાહનોને ચંડીસર, વાગરોલ ચિત્રાસણી રોડ પરથી ડાયવર્ટ કરવામાં આવ્યા છે. પરંતુ આબુ રોડ તરફથી આવતા વાહનોને ચિત્રાસણીથી વાગરોલ, ચંડીસર થઇને ડાયવર્ટ કરવામાં આવ્યા ન હતા અને પાલનપુર ખાતે આબુ હાઇવે પરના વન-વે રોડ પર ભારે વાહનોની લાંબી કતારો જોવા મળી હતી. ત્યારે પાલનપુર તાલુકા પોલીસે આબુ હાઇવે પર જિલ્લા કલેકટરના જાહેરનામાનો કડક અમલ કરાવવો જોઇએ.