પાટણ વિસ્તારમાં સવારથી મેઘમહેર જોવા મળી રહી છે. ખાસ કરીને પાટણના સાંતલપુરમાં સ્થિતિ ખરાબ છે. સાંતલપુર તાલુકામાં સવારથી ભારે વરસાદ અને પૂરની સ્થિતિ છે. સાંતલપુરમાં 6 કલાકમાં 6 ઈંચ વરસાદ નોંધાયો છે. સમગ્ર તાલુકામાં જળબંબાકારની સ્થિતિ છે. નીચાણવાળા વિસ્તારોમાં પાણી ભરાઈ ગયા છે.
વારાહી પંથકના નીચાણવાળા વિસ્તારોમાં પાણી ભરાયા છે. વારાહીનું કડીસરા તળાવ પણ છલકાઈ ગયું છે. તળાવ ઓવરફ્લો થવાના કારણે લોકોના ઘરોમાં પણ પાણી ભરાઈ ગયા છે. જો વરસાદ લાંબો સમય ચાલુ રહેશે તો સ્થિતિ વધુ વણસી શકે છે. સાંતલપુરમાં સવારથી ધોધમાર વરસાદ વરસી રહ્યો છે. વરસાદનું પાણી નદીઓ જેવા મુખ્ય જળમાર્ગોમાં વહી રહ્યું છે. જો વરસાદ પડે તો પારકર વાસણાના રહીશોને સલામત સ્થળે ખસી જવું પડી શકે છે.
પાટણના રાધનપુર અને સાંતલપુર પંથકમાં વરસાદી માહોલ જોવા મળી રહ્યો છે. રાધનપુર પંથકમાં ઓછા વરસાદ બાદ નીચાણવાળા વિસ્તારોમાં વરસાદી પાણી ફરી વળ્યા છે. મશાલી રોડ પર પાણી ભરાવાના કારણે વાહનચાલકો અને રાહદારીઓને ભારે હાલાકીનો સામનો કરવો પડી રહ્યો છે. રાધનપુરના ધારાસભ્ય લવિંગજી ઠાકોરનું નિવાસસ્થાન અને મતવિસ્તાર આ વિસ્તારમાં છે. વરસાદી પાણીનો ભરાવો યથાવત્ છે.
પાટણના રાધનપુર અને સાંતલપુર પંથકમાં વરસાદી માહોલ જોવા મળી રહ્યો છે. રાધનપુર પંથકમાં ઓછા વરસાદ બાદ નીચાણવાળા વિસ્તારોમાં વરસાદી પાણી ફરી વળ્યા છે. મશાલી રોડ પર પાણી ભરાવાના કારણે વાહનચાલકો અને રાહદારીઓને ભારે હાલાકીનો સામનો કરવો પડી રહ્યો છે. રાધનપુરના ધારાસભ્ય લવિંગજી ઠાકોરનું નિવાસસ્થાન અને મતવિસ્તાર આ વિસ્તારમાં છે. વરસાદી પાણીનો ભરાવો યથાવત્ છે.