ઊંઝા શહેરમાં વાહન ચોરીના બનાવો બની રહ્યા છે. રાત્રીના સમયે વાહન ચોરીના બનાવોને લઈને લોકો મુંઝવણમાં મુકાઈ રહ્યા છે. પાર્ક કરેલા વાહનોની ચોરીના બનાવોને કારણે લોકો પોતાના વાહનો પાર્ક કરવામાં પણ ગભરાય છે. સ્થાનિક તંત્રએ આ અંગે કડક પગલા ભરવા જોઈએ તેવી લોકમાં ચર્ચા થઈ રહી છે.
ખેરાલુ તાલુકાના બલાડ ગામનો નરપતસિંહ જે સતલાસણા સિવિલ કોર્ટમાં મદદનીશ તરીકે નોકરી કરે છે. જેઓ હરસિદ્ધ હોસ્પિટલમાં કામ અર્થે બાઇક અને તેના પિતરાઈ ભાઈ જીતેન્દ્રસિંહ ઊંઝા સાથે આવ્યા હતા. જેમાં તે બાઇક પાર્ક કરીને હોસ્પિટલના કામે જવા નીકળ્યો હતો. કામ પૂર્ણ થતાં જિતેન્દ્રસિંહ પાર્ક કરેલી બાઇક લેવા ગયા ત્યારે પાર્ક કરેલી બાઇક સ્થળ પર મળી આવી ન હતી. જેમાં આજુબાજુમાં શોધખોળ કરતાં બાઇક મળી આવ્યું ન હતું. જેના માટે નરપતસિંહે ઓનલાઈન ઈ-એફઆઈઆર નોંધાવી હતી. જે બાદ આજે ઊંઝા પોલીસ સ્ટેશનમાં ફરિયાદ નોંધાઈ હતી. જે અંગે ઊંઝા પોલીસે ગુનો નોંધી તપાસ હાથ ધરી હતી, જેમાં કોઈ અજાણ્યા ચોર ઈસમોની બાઇકની ચોરી કરી ગયાનું જણાવાયું હતું.